Barua ya Vaebrania 5
5
1Amu nkohani nnini woose asaulwa kari ka vandu arawa-fo kiimba kya vandu avasalalie kwa Iṛuva. Nkyo aniingiaa miniingie ya firasio fa iwolisa mareko. 2Uu amakii isisiria kwa uwoo valya vateeshi kindo na valya vakee uretiń, fulya nae muni arie utanyari. 3Na kiimba kya ikyo kyawwara iniingia-wo kirasio kya iwolisa mareko, kive nta kiimba kya vandu da ndi, na akwaa nkiimba kyamwi ye muni. 4Nta eefo nndu amakii iwara unini lu ye muni kwa finya yamwi ndi kita aluvaangio̱ ni Iṛuva sha Aron. 5Mfo kuro Kristo nae andekurwaya muni unini lu ave nkohani nnini ndi, kake ni ulya andemwia: ”Ni iwe Mwana wakwa, nniń nakwira nnu“. 6Na andu engi arerie: ”Ni iwe nkohani wa miṛeṛe wa mikae ya Melikisedeki“. 7Na mikonu ilya eekee na vvili wa kivandu anderasia ulya andemakii inkiṛa ufuń fiterewo na iiyaiya nae eekabaa kiṛoṛongyo na indonisia masoru kairikio̱ yye kautwa utiṛiń lwiwworee. 8Nae lla kasa eekee Mwana wa Iṛuva andekulosha iirikia na ngyukiva tilya andelya. 9Ili andemaa yawutio̱, kaendee valya woose vankusurie ikia lya miṛeṛe. 10Kasendwa ni Iṛuva sheeli ni nkohani nnini avakani na Melikisedeki.
11Kyamwi ye fiifo firero fiingi fa irera, kake nkyumu yongoya, fulya mwawa varoko va iita. 12Amu kikammuwara iva valosha — amu kyamiira kyeeri kyaasha —, kyawara muloshwa ni nndu miloshie ya mboni ta Iṛuva ya mbooko, neeni mukava vandu vauṛi maruva, nta nshoonga shuumu ndi. 13Fulya nndu woose anwee maruva amiishivia kirero kya usumani ndi, fulya akee mwana munnya. 14Kake shoonga shuumu yya vandu vanini valya ngyuṛango tawo tamiishiviswa yaava finuru na fikasha.
Currently Selected:
Barua ya Vaebrania 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
