Barua ya Vaebrania 3
3
1Kwa ikyo, vanavama vasongori, mundevaangwa sha ise na ivaangwa lyukie iṛuvewu, imboyoń miso anu Yesu uu tikee inrambua sheeli ni nrumi na nrasia weru nnini. 2Uu akusurani na ulya andenrwaa, sheeli Mose nae eekaii ifo numba ya Iṛuva yoose. 3Kake uu antaalika sheeli asenye unini lwa mmwasi kita Mose, sheeli ntana numba awore tikisi kita numba ilya. 4Fulya numba yoose itanwaa ni nndu, kake ulya andetana findo foose ni Iṛuva. 5Nkya dede na Mose eekee nsongovisi ifo numba ya Iṛuva sha ndundi ave nrambua wa filya filolikaa numa. 6Kake Kristo mMwana eetoṛio numba ii yamwi. Amu numba ii yamwi ni ise, kwakooya tikuwaraa na finya ya nrima na iṅinisa iverea lyeru kumande ifurumia.
7Kwa ikyo Mumuyo Nsongori anumbuye: ”Nkonu wa nnu mukamaa ununga lwamwi 8manya mutaumise ngoo tanu sha kyeeri kilya kya iṅuṅura nkonu ulya wa yelelio̱ kulya bateń, 9lia vaande yanu vashireya veeshieleliaa, lla kasa veelloliaa mitanie yakwa andu a myaka makumi aani. 10Kiimba kya iki nndeliwa nngoo kiimba kya kishuku ki nanumbua: Mikonu yoose vakee isingasinga ngooń tawo, nawo nta imanya shia takwa ndi. 11Kwa ikyo nalye ikite niituṛukaa sheeli: Vaakaa kiimuyoń kyakwa kutu ndi“. 12Vanavama, lleń nnu kaaṛa atalolike-fo nndu kari kanu awore ngoo shikasha itawore ikusura akulakanise na Iṛuva uu awore muu. 13Kake kwikimbeń muveni na muveni oo nkonu — uu ukee ivaangwa ”wa nuu“ —, kaaṛa kwanu nndu ataumiswa ngoo eelembwaa ni ireko.
14Amu tavva va kyama kimwi na Kristo, kwakooya tikuwaraa na ikusura kumande ifurumia lia lindebooka kweru. 15Kyarerwa: ”Nnu ili mwitaa ununga lwamwi, manya mutaumise ngoo tanu sha kyeeri kilya mwaṅuṅura“. 16A iwo vaita vakaṅuṅura wa ki? Ni iwo woose se vauka Misiri variwa mMose? 17Lingi wa ki iwo andevatuṛukia myaka makumi aani? Ni iwo se vanderekio̱ na mivili yawo ikasia ifo bateń? 18A lingi ni i avaliya ikite sheeli: ”Vaakaa kiimuyoń kyakwa ndi“? Ni iwo se vandelea iirikia? 19Neese tilolie sheeli vandemakii yaaka ndi, fulya kitaare vandekusura.
Currently Selected:
Barua ya Vaebrania 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
