Barua ya Vaebrania 2
2
1Kwa ikyo kyatiwara tille mmwasi filya tindefiita, kaaṛa titafituṛe. 2Amu kwakooya kirero kilya kindererwa vvamalaika kiteevaa iilashika na ukasha loose na nkuushu woose findekooya maṛe a udede, 3a ise naare tirishaa uumisio, ili tibiṛie nrumi shisha ya ikiṛwa iṅini kuri? Ni Nndumi muni ndi andebooka itiongoya nrumi ii? Nayo ikarambulwa numa vvalya vandeiita na marwi awo. 4Iṛuva nae kaikaarisa na myorusie na maṛiikiso na finya ta mikae miingi na ngyuavi ta Mumuyo Nsongori, sheeli andekunda muni.
5Amu isanga lia lishaa tikee ilirera andelirwaa kwa si ya vamalaika ndi. 6Kake nndu umwi anderambua kuri andu alive eenumbuaa: ”Nndu yye ki ili kukee inkumbua, ana mwana wa nndu ili kukee imulla? 7Kwannyiisia vamalaika andu a kyeeri kifui. Kwanninga witoṛo na tikisi. Kwarwaa findo foose kwa si ya marende amwi. Kwanrambikia ushili lwa ishilia mashoṛa a maako afo“. 8Amu irwaa findo foose kwa si yamwi likee irambua sheeli nta kindo kimwi kindesaa kitanderawa kwa si yamwi. Kake alli tiseere tankilolia findo foose firawa kwa si yamwi ndi. 9Kake ulya andenyiisio̱ vamalaika andu a kyeeri kifui tillolie yye Yesu andeavio̱ witoṛo na tikisi kiimba kya mavaviso amwi a ufu. Fulya Iṛuva kwa uwoo lwamwi andekunda afiye woose vakiṛwa.
10Amu Iṛuva uu andetana foose five famwi katana foose kwa finya yamwi kakunda yorusa vandu veengi shia ya ifikia unini, ye kinsumani aawutie mashoṛa a ulya akee munnde ikia lyawo eenrwaa matuṛuloń, amu ave ndongori wawo. 11Amu uu mwilisa na iwo veeliswa vawore Nde ii woose. Kiimba kya iki awore sonu ya ivavaanga vanavamae ndi 12eereraa: ”Nkwanisiaa vanavamae vakwa irina lyafo. Nkwimbiaa kari ka siṛi“. 13Na lingi: ”Vvaa munkusura ye“. Na lingi: ”Lla te, a wu niń ia na vana va, Iṛuva andeshiniinga“.
14Kyasia ili vana vawore wili na usao, na akwaa yye mfo kuro da andekuwara nafo, amu avinge na ufu lwamwi ulya eetoṛio ufu yye Satana 15na iboṛomua valya woose veeworwaa uketiń veeṛeaa ufu kyeeri kyoose kya muu wawo. 16Amu nta wamalaika avakusaṛie ndi, kake kishuku kya Abraamu nkyo akikusaṛie. 17Kwa ikyo kindewara avakaniswa na vanavamae vamwi findoń foose, amu akooye ivavio̱ mmuu kiimba kyawo na ivia Iṛuva nkohani nnini awore usuro wa yuta vandu marekoń. 18Amu fulya andetuṛulwa ye muni eereywaa, amakii yelekia valya vakee irevwa.
Currently Selected:
Barua ya Vaebrania 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
