Barua ya Vaebrania 1
1
1Ilyo mbele Iṛuva anderera na vakuuku veru na kana ka vaauya fisuku kwa mikae miingi na kwa shia shiingi. 2Ifurumia lya mikonu ii karera neese na kana ka Mwana uu andenrwaa ave muyadiṅu ya foose. Lingi yye andetana nae isanga lyoose. 3Nae mmuni langa ya unini lwa Iṛuva, amu sheeli Iṛuva akai mfo kuro nae akai. Lingi yye awarie foose kwa finya ya kirero kyamwi. Ammaa isangya vandu mareko na usao lwamwi kakaa rembo uko usha lwa muya unini iṛuvewu ule. 4Kakilia na finya yamwi vamalaika, kasa irina ilyo andeliwaria live diṅu yamwi likilie lyawo. 5Amu mmalaika ungau Iṛuva andemwia: ”Ni iwe Mwana wakwa. Niń nankwira nnu“? Na lingi: ”Niń vvaa Vaava wamwi, nae avaa Mwana wakwa“. 6Na kya kyeeri kilya ili aataa vvele wamwi lya kavili isangeń, arera: ”Vamalaika woose va Iṛuva kyawara vamfwiṛie nri ye“. 7Kya vamalaika valya arera: ”Andeaṛua vamalaika vamwi vave mburaato, na vaṛundi vamwi vave fibalabala fa muro“. 8Kake kya Mwana arera: ”Wui Iṛuva, kifumbi kyafo kya kimangi nkya miṛeṛe na miṛeṛe kitawore mmando, na nsenge wa usaaṛi ni nsenge wa umangi lwafo. 9Iwe kundekunda usumani kwasua ukasha. Kwa ikyo, wui Iṛuva, kwamaambwa ni Iṛuva wafo mafura a ifura kwaṅinia vaaroe vafo“. 10Na lingi: ”Wui Nndumi, ilyo mbooko ni iwe kundevevia kivasha kya isanga, na iṛuvewu mmaasho a maako afo. 11Ifo fisiaa, kake iwe kukaa. Na ifo foose fikuaa sha masaṛa. 12Kufilemaa sha nseto wa yeeṛia, nafo fiilashikaa. Kake iwe kukee ulya ulya na myaka yafo yoore mmando ndi“. 13A le eefo malaika andeio̱ yye: ”Kaa rembo uko lwakwa usha kumande nrwaa fituva fafo kwa si ya marende afo“? 14A le vamalaika iwo woose mmaketi a iṛunda ndi anderumwa aṛundie valya varwaa diṅu ya ikia?
Currently Selected:
Barua ya Vaebrania 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
