Barua ya Vagalatia 6
6
1Muṛe vanavama, kwakooya nndu awoywa ni ireko lya nrenga, muntomarise na uwoo, fulya ini mukee vandu veeshi mikae ya Mumuyo. Nawe kukulle ku muni, kaaṛa kutawoywa nnrenga nawe! 2Mwelekane mu veni na mu veni filya fikee imweemia, llyo mwawutiaa ivavaso lya Kristo. 3Amu kwakooya nndu akee ikudedeṛa eenumbuaa: noore finya atawore, ankulemba ye muni. 4Kake nndu woose akuelelie na mitanie yamwi muni, llyo akukabaa ye muni atandekaba vengi. 5Fulya nndu woose aṛiikisio̱o̱ llwamwi.
6Na ulya alloshwa kirero kya Iṛuva aavie ulya mullosha wavi lwa findo finuru foose. 7Manya mutakulembe: Iṛuva avaa iila ndi. Amu kilya nndu aveekia nkyo eelulaa. 8Fulya ulya akusuranaa na makusaṛo amwi wo meni akooyaa ureti, kake ulya akusuraa usumani luukie kwa Mumuyo akooyaa muu utakisiaa. 9Kyasiań manya ntalemwa itana finuru, fulya numa tiilulaa finuru, kwakooya titalemwa. 10Kyasia ili tikiwore mwaanya, titanie nndu woose finuru na kilanya vvalya tikee va ikusura limwi nawo.
11Lleń mitisiṛie ii nndeengeṛia imutisiṛia na uko lwakwa niń shi muni! 12Woose vafurie isenya vandu veekuwaraa na findo fa kivvili wwo vakee imukabiṛia murinwa, na kiteveto vakatana kuro, naamu vatakooye yumbutwa kiimba kya nsalaba wa Kristo. 13Amu na akwaa ni iwo veni valya varine vairikie mavavaso ndi, kake vafurie ini murinwa, amu vakooye ukushombi lwa imwomuya taari yawo. 14Kake niń mfurie ikushomba ndi, amu niń niishi kindo kingi kitaare ni nsalaba wa Nndumi weru Yesu Kristo ndi. Nkyo kyakangia isanga likashivia ufu, nań nalivia mfu. 15Kake kwavva na Kristo irinwa nkindo ndi ana ilea irinwa nkindo ndi kita yaṛuka mikae miya. 16Na woose veendaa na wafio lo, unambwe luvashee na ililia, lushee na Isiraeli ya Iṛuva ya dede! 17Kuuka alli manya nndu akishivinaa, amu ifo vviliń wakwa nrie fiwoṛo fa Nndumi Yesu. 18Vanavama, Uwoo lwa Nndumi weru Yesu Kristo lukaa na mirima yanu! Amen.
Currently Selected:
Barua ya Vagalatia 6: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
