Barua ya Vagalatia 5
5
1Kristo antitaua usingeń tive vana va diṅu. Kiimba kya iki kuumiseń, amu mutakiwarwa lingi nkifingio kya usinga! 2Lleń niń Paulo nkee imuia: Kwakooya murinwaa, nta kindo mukooyaa kwa Kristo. 3Lingi nkee irambuya nndu woose akee irinwa, sheeli kyawara afite kyaasa kyoose kya mavavaso. 4Ini mufurie yaṛulwa vasumani mmavavaso mwallakaniswa na Kristo, mwawa na ireta uwoo lwa Iṛuva. 5Amu ise kwa finya ya Mumuyo tikusurie sheeli tikooyaa usumani luuka na ifo ikusureń lyeru lya ikusura Kristo. 6Amu tikankaa na Kristo Yesu irinwa ana ilea irinwa liwore ngo ndi, kake ni ikusura lya ikusura Kristo lyawutio̱o̱ ni ikundana.
7Mweembookaa iwara shia shinuru. Ni i andemuteveta mukalea iirikia filya fikee fa dede? 8Yomulwaomulwa li lya imwomua lyukie kwa ito andemuvaanga ndi. 9Kidooko kinnya kifile idookisa imbumbu lyoose. 10Neeli mukee va Nndumi, niń nkusurie sheeli mukiilashaa mirima yanu ndi. Kake uu andemufuluta akooyaa uumisio lwamwi na kava i. 11Kake niń, vanavama, kifo kumande alli nndekwanisa nnumbue vandu varinwa, niiumbutwaa? Na kikangio kya ifiya nsalalabeń kiikifoo ndi. 12Kiivaa ṅwana valya vakee imwata inunueń ilyo valakaniswa neeni.
13Vanavama, ini mundevaangwa muve vana va diṅu. Kake manya mutaaṛue diṅu yanu ive ilanga lya mivili yanu, kake elekaniń na ikundana! 14Amu mavavaso woose aawukiaa kireroń kimwi, nakyo nkyo iki: ”Kunda vandu vengi sheeli kukukundie iwe ku muni“! 15Kake kwakooya mwakabana na ikwimara, lleń mutakumiṛe mu veni na mu veni.
16Kake nanumbua: Endeń kimumuyo, kuro mwawutiaa milangie ya vvili ndi. 17Amu ilanga lya kiwili likaa Mumuyo, na Mumuyo aleaa kilya kikee kya kivvili. Makanika va ali avili akee ivingana akamwima mwimakii itana kilya mukundie. 18Kake mukankurikwa mMumuyo mukikee maketi a mavavaso ndi. 19Na mitanie ya kiwili imanyikie baa sheeli ikai. Nayo yyo ii: Wwaaisi na ukwe na uravi 20na irasia na findo fa usavi na sua na myaandu na iiria iriso na shuu ya nrima na nkuru na ikuraua na kyama kikasha 21na yaṛia ndaṛi na unangwa na ulafu na findo fingi fifivakie. Sha lia namaa imuia mbele, mfo kuro nkee imuia lingi: Valya vatanaa findo sha ifo vakooyaa diṅu ya umangi lwa Iṛuva ndi. 22Kake findo Mumuyo avikie mfo ifi: ni ikunda na ifura na unambwe na isisiria na usha lwa nrima na usongovisi na ikusurana 23na uwoo na kiṛengo. Findo sha ifo liifo ivavaso limakii ivingana nafo ndi. 24Na iwo vakee va Kristo Yesu vammaa yumisia filya fa kiwili andu emwi na makusaṛo ayo makasha na ilanga lyayo. 25Kwakooya mMumuyo atiniinga muu, kyasia neese tiware weendo lusumani na Mumuyo. 26Titakushombe na unini lukee lwa ruu tiiluyanaa na ikwiria iriso.
Currently Selected:
Barua ya Vagalatia 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
