Barua ya Vaefeso 1
1
1Niń Paulo nkee nrumi wa Kristo Yesu kwa mifurie ya Iṛuva. Namwisana ini mukee vasongori valya va ifo Efeso mukusurie Kristo Yesu. 2Uwoo lukaa neeni na unambwe fuukie kwa Iṛuva Nde yeru na kwa Nndumi Yesu Kristo.
3Aṅiniswa Iṛuva Nde wa Nndumi weru Yesu Kristo andetiavia mboṛa yoose ya kimumuyo yukie iṛuvewu kiimba kya ilungana lyeru na Kristo. 4Fulya Iṛuva atisaua andu emwi nae ilyo kitaare isanga lyantanwa, amu tive vasongori kisanguń kyamwi ateefo malomi. 5Katideeṛia kwa ikunda lyamwi taaṛulwa vana vamwi eerumaa Yesu Kristo sheeli kindensenya. 6Katana kuro, amu uwoo lwamwi lukooye tikisi ilu andetiavia ilyo andeniingia Mwana wamwi nkunde. 7Yye uu andetikumbia muu wamwi, amu tikiṛwa na iniinga itio̱ lya mareko liiṅaṅani na wiingi lwa uwoo lwamwi. 8Kaluteengeṛia eetiaviaa uṛango loose na imanya. 9Kikansenya itirambuya kiṛisi kya makusaṛo amwi. 10Amu eenkudeeṛiaa isandia findo foose fa iṛuvewu na fa isangeń kwa si ya nrwe umwi kyeeri kikamfika. Na nrwe uu nto Kristo. 11Kwamwi ye mfo tindelolia wavi lweru ise tindesaulwa yye kuuka mbooko sheeli eetikusaṛiee, fulya yye aawutia foose kwa mifurie yamwi. 12Kikava kuro, amu tive vandu va ivikia unini lwamwi windi ise tindebooka irwaa iverea lyeru kwa Kristo. 13Neeni mwammaa iita kirero kya dede kirie mboni ta nrumi shisha ya ikiṛwa lyanu. Lingi mwammaa inkusura ye na irwaywa kiringisio mMumuyo Nsongori ulya amurekio̱. 14Yye akee nrendekye wa diṅu yeru, amu tikiṛwa na iva tive vamwi, amu witoṛo lwamwi lukooye nduma.
15Kiimba kya ikyo ili nndeita sheeli mukusurani na Nndumi Yesu, lingi sheeli mukundani na vakristo woose, 16nta naaraa yaana Iṛuva kiimba kyanu ndi niimukumbuaa kiterewoń kyakwa. 17Nkee imuterevia, Iṛuva wa Nndumi weru Yesu Kristo akee Nde muni wa finya amuniinge Mumuyo wa uṛango na wa immanya ye sheeli akai. 18Na ngooń tanu amurwaye-fo miso maantu, amu mumanye kilya mukee iverea mukee vavaange yye na imanya unini lwa diṅu iyo aifisie vasongori vamwi. 19Mumanye unini lwa imakii lyamwi lukee ikworusa kweru ise tinkusurie, sheeli lukai kwa kiṛengo kya mashoṛa a finya tamwi. 20Nto aṛunda nato lia aṛuta Kristo kwa vafu na inkaarisa rembo uko usha lwamwi kulya iṛuvewu. 21Kanniinga unini lukilie unini na umangi na imakii na ngyunini toose na ikilia marina woose akee isendwa kyeeri iki na akwaa mfeeri foose lishaa. 22Karwaa findo foose kwa si ya marende amwi kamwaṛua nrwe wa siṛi ashilie foose. 23Nayo yyo vvili wamwi. Na kari kayo mfo ye aawutikiaa akee muni mwawutia foose kundo koose.
Currently Selected:
Barua ya Vaefeso 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
