Barua ya Vagalatia 4
4
1Nkee inumbua: Ili muni diṅu akee mwana kitaare aṅṅina aavanisie na isinga ndi, lla kasa akee muni findo foose fa kyeń. 2Kake eetoṛio waleri vamwi na vasalalia vamwi kumande kyeeri kilya kisaulwaa nndee. 3Neese nkuro da: Lia tikee sha vana vati kitaare taṅṅina llyo tiikee vandu veetoṛioo mmilimu ya isanga tikava masinga ayo. 4Kake ili kyeeri kindefika kutu, llyo Iṛuva aruma Mwana wamwi kairiwa ni nndu nka karawa kwa si ya milimu ya vandu, 5amu ataue valya veetoṛio mmilimu ilya, amu taaṛulwa vana. 6Kyasia mwawa vana nkyo Iṛuva aruma Mumuyo wa Mwana wamwi aake mirimiń yanu, ito avaangaa: Aba, nkimwi na Vaava. 7Kyasia alli kukikee isinga ndi, kukee mwana. Kwavva mwana kukee na muni diṅu kwa finya ya Iṛuva.
8Kake ilyo mbooko mwikee muteeshi Iṛuva mukaṛundia maṛuva atakee kindo. 9Kake alli ili mwishi Iṛuva na kya mmwasi mwamiishiwa ni Iṛuva, naamu ki muuyaa lingi miloshień ilya ya mbele ikee mitanyari muve lingi maketi ayo, ikee yyo mulangie iiṛundia lingi? 10Mukee iindia suku na miiri na feeri na myaka. 11Neeṛee kitave eeba nankwareesa kya ruu kiimba kyanu.
12Vanavama, namutereva muve sheeli niń nkai, amu niń nkee sha ini. Mundeshikasheesa nta kwa kindo kimwi ndi. 13Kake mwishi sheeli nndebooka imukwanisia nrumi shisha, nań niikee ntanyari vvili. 14Na kyelelio mundekooya vviliń wakwa nta mundekiila ana mundekilea ndi, kake mundeshiwaria sheeli nkee mmalaika wa Iṛuva na Kristo Yesu ye muni. 15Kyasia nkwi kikaiń kilya kya ikuvaanga va ngoma? Amu nkee imurambuya sheeli kikooye kiivaa mwiiṛuaa na akwaa mmiso anu mushiniingie niń. 16A le nawa kituva kyanu, fulya nkee imuia kilya kikee kya dede? 17Veefo vakee imukabania, kake nkya usha ndi, kake vafurie imuwiiṛa na wooṛo, amu ini muvakabanie. 18Kisha ni ili mukabanio̱o̱ kya usha kyeeri kyoose, nta nkyeeri kyo nkee kwanu da ndi. 19Vana vakwa, noore mavavio lingi kiimba kya iiriwa lyanu lya kavili kumande Kristo akumanyisaa kari kanu. 20Kiikooyaa nkee andu emwi neeni alli na iilasha ulumi lwakwa, amu noore inunua kiimba kyanu.
21Shiień ini mufurie ikaa kwa si ya mavavaso: A le mwammanya mavavaso se? 22Amu nkitisiṛe sheeli Abraamu eeworee vana vavili, umwi akee wa iketi lya kika na ungi wa nka mwore. 23Kake ulya wa iketi lia lya kika eeriwa kwa kiwili, na ulya wa nka mwore eeriwa kwa kirekio kya Iṛuva. 24Findo fi fikee irerwa na sumu. Amu ifo fivakani sha firekio fivili, kimwi kyukie uro lwa Sinai kikaira maketi, yye Hagari. 25Amu kirero ki Hagari kivakani na uro lwa Sinai lukee kulya Warabu, nalo luvakani na Yerusalemu ya alli, fulya yo ikee uketiń andu emwi na vana vayo. 26Kake Yerusalemu ya ifo ule ivakani na nka mwore, nae yye yeyo weru ise. 27Amu nkitisiṛe: ”Fura iwe kukee kyuumba kutandeira! Kaba nndoṛo iwe kuteeshi mavavio a iira! Amu vana va ulya anderewa muni vveengi kita va ulya awore mmi“. 28Neeni vanavama mukee vana sha Isaki, fulya mundeiriwa kwa kirekio kya Iṛuva. 29Kake sheeli mikonu ilya ya mbele ulya andeiriwa kwa vvili andeumbuta ulya andeiriwa kwa kirekio kya Iṛuva, mfo kuro kikai na alli. 30Kake mitisiṛie yarera are? ”Umbuta iketi Iyo lya kika andu emwi na mwana wamwi, amu mwana wa iketi arwaa diṅu andu emwi na wa nka mwore deń ndi.“ 31Kwa ikyo, vanavama, ise tikee vana va iketi ndi, kake tikee vana va ito akee mwore.
Currently Selected:
Barua ya Vagalatia 4: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
