Barua ya Vaefeso 5
5
1Kyasia veń vandu vasoṛaa Iṛuva sha vana vakunde. 2Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru. 3Kake findo fa waaisi ana fa ukwe ana fa unyuku fitasendwa kwanu kutu ndi, amu iki kisumani kwa vandu vasongori ndi, 4nta firero fa usutu ana fa usaṛe lwa beṛebeṛe ana kitavanu kikasha, kake kinuru yyaana Iṛuva. 5Amu iki mumanyaa, sheeli nndu mwaaisi ana nndu awore ukwe ana nndu nnyuku akee sha nndu akee iṛundia iṛuva lya wongo arwaa diṅu ifo umangiń lwa Iṛuva na lwa Kristo ndi.
6Nta mutalembwa ni nndu na firero fa iiṅana, amu kiimba kya findo fa mikae ii ituṛuka lya Iṛuva lyolokiaa valya vambiṛie. 7Kyasia manya mutaliani nawo. 8Fulya mbele mwikee va llema, kake alli mukee va langa, fulya mukuwore na Nndumi. Rueń sha vana va langa. 9Kilya Mumuyo wa Iṛuva avikaa ni usha na usumani na findo fa dede. 10Elelień kilya kisenyaa Nndumi. 11Manya mutave vaaroe va valya vatanaa mitanie ya llema itasenyie, kake varerień. 12Amu filya fikee itanika kwawo kiṛisiń foore sonu na akwaa ni ifirera. 13Kake foose filya fikee irerio̱ firambulwaa llanga, amu kilya kikee kirambue kikee langeń. 14Kwa ikyo kikee kirere: ”Kwimboo iwe kulele, salala kuuke kwa vafu, na Kristo akumulikiaa“.
15Kwa ikyo lleń nnu weendo lwanu kasa mwendaa, kaaṛa mutave vatondo, kake muve vaṛango. 16Manya mutatuṛe mwaanya wa iṛunda kisha, fulya feeri ifi fa alli fikee fikasha. 17Kiimba kya ikyo manya mutave variṅani, kake veń vandu vatanaa kilya Nndumi akundie. 18Ana manya mutanangwa wwari, amu uretaa weendo usha, kake veń vandu veeshue Mumuyo wa Iṛuva. 19Veń vandu vatele vaimbaa ngyufina ta Iṛuva ta imwaana na ta imwitikisa tikee ta mikae ya Mumuyo mwiimbiaa Nndumi na langa lya nrima. 20Na iva muve vandu vaana Iṛuva Nde kyeeri kyoose kiimba kya foose mwantanio̱ mukuwore na Yesu Kristo Nndumi weru.
21Kunyiisianiń findoń foose mu veni na mu veni mwieṛeaa Kristo. 22Vaka vaindie womi wawo sheeli veendiaa Nndumi. 23Amu mmi ni nrwe wa nka wamwi, sheeli na Kristo akee nrwe wa siṛi, nae muni ni nkiṛa wa vvili wamwi. 24Sheeli siṛi iindiaa Kristo, mfo kuro na vaka nawo veendie womi vawo findoń foose. 25Neeni womi, kundeń vaka vanu sheeli na Kristo andekunda siṛi kakuniingia kiimba kyayo, 26amu aiilisie Iṛuva eeisangyaa na mura wa ubatiso ukulunganisie na kirero kya Iṛuva, 27amu akooye siṛi yoore unuru itawore ukavili ana ikwotuaotua ana nta kimwi kari ka ifo, kake ive shisongori itawore malomi. 28Mfo kuro da kyawara womi nawo vakunde vaka vawo sha mivili yawo veni. Ulya akundie nka wamwi akukundie muni. 29Amu nta eefo nndu asuaa vvili wamwi muni ndi, kake auwuurusaa na iulla, sheeli na Kristo nae ataniaa siṛi yamwi. 30Fulya ise tikee meeṛo a vvili wamwi. 31”Kiimba kya ikyo nndu nseṛo atiaa ndee na mae alungane na nka wamwi, nawo vali vavili vavaa vvili umwi.“ 32Kiṛisi ikyo nkinini, kake niń nasenda nakyo mboni ta Kristo na siṛi. 33Kake nndu woose wanu akunde nka wamwi sheeli akukundie ye muni. Ana manya nka atarekio̱ iindia mmi wamwi.
Currently Selected:
Barua ya Vaefeso 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
