Barua ya Vaefeso 6
6
1Muṛe vana, indień vavaava vanu na vayeyo vanu mwikuloshiaa kwa Nndumi. Amu kisumani itana kuro. 2Manyiń na ivavaso li lya Iṛuva likee kwa ule, liwore na kirekio, nalyo Ilyo ili: Kwindie ndeo na maa kwivairiaa sonu, amu kuniingwa mboṛa kunu isangeń na muu mwaasha. 4Neeni vaande ya vana, manya mutaṛemise vana vanu na kinisi, kake muvaishivise mikae isenyie na ivafunda vakusure Nndumi.
5Neeni vaṛundi va vandu, veń vandu veerikiaa womi vawo na ivairia sonu mwivaṛundiaa na kia, sheeli nKristo muni mukee indundia. 6Manya mutakushiise mwiṛundaa ili veemullaa, amu muvasenye, kake mumanye sheeli mukee vaṛundi va Kristo na itana mutane kilya kisenye Iṛuva na ngoo iwore ikunda. 7Neeni mukuloliaa deń sheeli ni Nndumi muni mukee indundia, nta ni nndu ndi. 8Na imanya mumanye, kilya kyoose nndu atanaa kinuru atawaa ni Iṛuva, ave ndundi wa nndu ana ave itomi. 9Neeni womi mukee iṛundio̱ waṛundi vanu muve vandu va ivakunda da nawo. Manya mutavatuṛue. Manyiń sheeli Nndumi wawo na wanu ni umwi akee wa iṛuvewu tubu. Nae kwamwi awore wa mungo ana wa kivari ndi.
10Kya ifurumia, vanavama, ndefoń kutomiriseń kwa finya ya Nndumi ikee nini, fulya mukee vamwi. 11Raań fiya foose fa Iṛuva, amu mumakii ikukinga nafo mitambwe ya Satana. 12Fulya misa toore a ikabana nawo mmisa awore vvili na usao ndi, kake weetoṛo na va finya, vvanini va isanga ili vashiliaa ifo llemiń, mmimuyo mikasha kwa si ya iṛuvewu. 13Kiimba kya iki imbooń fiya filya fa Iṛuva, amu mukukinge nafo misa nkonu wa ukiva na imakii foose na ivinga. 14Kyasia salaleń mukufingie fitati fanu ifo kisiń, nafo mfindo fa dede. Muṛaa na kindo kya iringa mbafu, nakyo ni usumani. 15Na marende ṛaań faaru sha vandu vakutobiṛie yenda indeongoya vandu mboni shinuru ta Iṛuva ta ikia tinnde unambwe. 16Na kilanya ya ifi imbooń ngao yanu, nayo ni ikusura Nndumi, yyo mumakii ikusika nayo mbale toose ta Satana toore saiye. 17Warień na mbundu yanu, nayo ni ikiṛwa, na shombo yanu ikee ya mikae ya Mumuyo, nayo nkirero kya Iṛuva. 18Lungeń fiterewo fa mikae yoose na yomba mwiterevaa matika woose muwarani na Mumuyo na ilala rembo kiimba kya kiteveto kyo na isinda mwitereviaa vasaue woose. 19Shiterevień nań, amu nniingwa kirero kya irua kana kakwa nkwanise na utomari kiṛisi kilya kya nrumi shisha ya ikia. 20Yyo nndeivia nrumi na kunu kifingioń. Shiterevień, amu mmakii iikwanisa na baa ntawore weṛei, sheeli kyawara nrere.
21Kyasia ini neeni amu mumakii imanya mboni takwa kasa tikai, ifi foose Tikiko amumanyisaa. Yye mwanamae wakwa nkunde akee ndundi nsongovisi wa Nndumi. 22Nkyo kiteveto nanruma kwanu kwa kiimba kyo, amu amwongoye na imuwiiṛia muu mirimiń yanu. 23Unambwe luve na vanavamae na ikunda andu emwi na ikusura fuukie kwa Iṛuva Nde na kwa Nndumi Yesu Kristo! 24Uwoo lukaa na woose vakundie Nndumi weru Yesu Kristo na ikunda liteelashikaa!
Currently Selected:
Barua ya Vaefeso 6: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
