Popular Bible Verses from Barua ya Vaefeso 5

Share

Kyasia veń vandu vasoṛaa Iṛuva sha vana vakunde. Muware ikundana, sheeli na Kristo andetikunda kakuniingia kiimba kyeru ave nsimbika wa kirasio kya kwa Iṛuva kiwore nningo uwore kisaamu kinuru.

Kwa ikyo lleń nnu weendo lwanu kasa mwendaa, kaaṛa mutave vatondo, kake muve vaṛango. Manya mutatuṛe mwaanya wa iṛunda kisha, fulya feeri ifi fa alli fikee fikasha.

Ana manya mutanangwa wwari, amu uretaa weendo usha, kake veń vandu veeshue Mumuyo wa Iṛuva. Veń vandu vatele vaimbaa ngyufina ta Iṛuva ta imwaana na ta imwitikisa tikee ta mikae ya Mumuyo mwiimbiaa Nndumi na langa lya nrima. Na iva muve vandu vaana Iṛuva Nde kyeeri kyoose kiimba kya foose mwantanio̱ mukuwore na Yesu Kristo Nndumi weru.

Kiimba kya ikyo manya mutave variṅani, kake veń vandu vatanaa kilya Nndumi akundie.

Neeni womi, kundeń vaka vanu sheeli na Kristo andekunda siṛi kakuniingia kiimba kyayo

Fulya mbele mwikee va llema, kake alli mukee va langa, fulya mukuwore na Nndumi. Rueń sha vana va langa.

Kunyiisianiń findoń foose mu veni na mu veni mwieṛeaa Kristo.

Vaka vaindie womi wawo sheeli veendiaa Nndumi.

Kake nndu woose wanu akunde nka wamwi sheeli akukundie ye muni. Ana manya nka atarekio̱ iindia mmi wamwi.

”Kiimba kya ikyo nndu nseṛo atiaa ndee na mae alungane na nka wamwi, nawo vali vavili vavaa vvili umwi.“

Manya mutave vaaroe va valya vatanaa mitanie ya llema itasenyie, kake varerień.