Mitanie ya varumi 21
21
1Neeli tindelakana nawo tikaaṛukia ngalaveń tikafika Kosi na ngalava yo. Na nkonu wa kavili wayo tikafika Rodo na yuka ifo tikafika Patara. 2Tikakooya-fo ngalava ikee iṛuka kumande Foinike tikaaṛukia tikaenda. 3Neeli tindelolia uruka lwa Kipiro tikalutia uko umuso. Tikaengeṛia yenda kumande Siria tikaolokia ngalaveń ifo Tiro. Amu ifo mfo ngalava ilya yeru indeolotia fiya fayo. 4Neeli tindelolia vanalosho tikakaa-fo mikonu mfungare. Nawo vakaia Paulo kwa finya ya Mumuyo: Manya kutasaame kwende Yerusalemu. 5Tikamaa mikonu ilya tikakwimboo tikaenda na vandu woose andu emwi na vaka vawo na vana vawo vakatiṛaṛata kumande wooṛo ya muṛi. Tikafwiṛia nri si mbaai ya nruva tikatereva. 6Neeli tindelakana tikaaṛukia ngalaveń, nawo vakauya kyeń.
7Tikamarisia kyaaṛo kyeru kuuka Tiro tikafika Pitolemai. Tikaisana vanavamae veru tikakaa kwawo nkonu umwi. 8Ngama yayo tikakwimboo tikafika Kaisaria. Tikaaka numba kwa Filipo mukwanisa mboni shisha ya ifura eekee umwi wa valya mfungare tikakaa kwamwi. 9Nndu to eeworee vana va kika vaani, nawo veekee filana veekee vaauya. 10Neeli tindekaa ifo mikonu kiindi, mwauya fisuku umwi irina lyamwi ni Agabo kainama auka Yudaya. 11Katifikia kawara kitati kya Paulo kakwavika nakyo marende na maako. Kanumbua: Mumuyo Nsongori anumbua kuri: Kuro mfo Vayuda va Yerusalemu vafingaa nndu wa kitati ki. Nawo vanrambikiaa maakoń a vayavaṛumu. 12Kyasia ili tindeita ifi ise na vandu va andu alya tikantereva, amu atarwe Yerusalemu. 13Llyo Paulo aaṛua: Mutanaa ki mwiyaa na ishifukya nrima? Amu niń nta ni ifingwa da ndi, nkudeeṛie na akwaa ni iwaywa Yerusalemu kiimba kya irina lya Nndumi Yesu. 14Neeli andelea itiita tikasia do tiinumbuaa: Kive kasa Nndumi afurie. 15Numa ya mikonu ilya tikaimboo fiya feru tikarwa na Yerusalemu. 16Tikaimio̱ vvanalosho kiindi va Kaisaria, nawo vakanrwaa kwa Nnason akee nndu wa kulya Kipiro. Nae mmwanalosho wa mbele, nae yye ulya tindekaa kwamwi.
17Ili tindefika Yerusalemu vanavamae va kulya vakatiwaria na ifura. 18Na ili lya ngama Paulo kaira na kwa Yakobo andu emwi neese, na vasuṛi woose vakakusandia-fo. 19Ammaa ivaisana kavaongoya findo foose kimwi kimwi Iṛuva andeṛunda kari ka vayavaṛumu kwa uṛundi lwamwi. 20Vamiita ifi foose vakaitikisa Iṛuva vakamwia: Mwanamae weru, kulolie sheeli Vayuda valya vakusurie vakee fiku fiingi, nawo vawore wiiṛi nnu lwa ikabania uvavaso lwa Mose. 21Nawo veemiiywaa mboni tafo sheeli kukee ilosha Vayuda woose vakee kari ka vayavaṛumu itia Mose kwivaiaa vatarine vana vawo ana vatasoṛe miṛuumwa ii. 22Titanaań are? Amu vaitaa woose sheeli kwansha. 23Kyasia ṛunda kirero ki tikee ikuia: Kunu kweru veefo vaseṛo vaani vafingio̱ nkyaasa varekie Iṛuva. 24Kurike vandu wo kukwilise andu emwi nawo na ivataya, amu vaute mirwe yawo. Llyo vandu woose vamanyaa sheeli mboni tilya vandeiywa tafo nkindo ndi, kake iwe ku muni kukee yenda kisha na iwara uvavaso lu. 25Na kya mboni ta vayavaṛumu valya vandekusura teentisiṛiaa na iniingia uumisio lweru sheeli wo vakuringe mirima yawo na findo faniingio̱ fa irasia vaṛumu na usao na kindo kyatumulwa na waaisi. 26Llyo Paulo akurika vaseṛo valya, na ili lya ngama kakwilisa andu emwi nawo. Kaaka numba ya Iṛuva eekwanisaa mboni yaa-wutia mikonu ya iiliswa na akwaa ni nsimbika uniingio̱ kiimba kya nndu woose umwi wawo.
27Kyasia mikonu ilya mfungare ili ikee kufui yawutio̱ Vayuda valya veeukiee Asia vakalolia Paulo kulya numba ya Iṛuva vakaaya vandu woose. Vakawwara vakaṛoṛongya veereraa: 28Muṛe womi va Isiraeli teelekień! Uu yye nndu ulya aloshaa vandu woose kundo koose na ifuluta uṛiti lweru na mavavaso na andu a asongori. Na lingi kilanya ya ifi amaata Vagiriki numbeń ya Iṛuva kannde ukasha ia andu asongori. 29Mfulya veeloliaa Tirofimo wa kulya Efeso andu emwi nae ifo muṛiń vakakusaṛa sheeli mPaulo amwata numba ya Iṛuva. 30Muṛi woose ukataṛakaniswa. Vandu vakakwania ree ree vakawara Paulo vakansuṛua vakamwuta io numba ya Iṛuva. Na myaango ikaraywa ilyo yeni. 31Neeli veeṛuyaa mwaanya wa iwwaa mboni ikafikia nshili nnini wa mbumbu ya vasikari, sheeli muṛi woose wa Yerusalemu wawa ifulufulu. 32Lia eni kakurika vasikari na vashili vawo kainama ree. Neeli vandelolia nshili ulya nnini na vasikari vakatia-wo ikaba Paulo. 33Numa nshili nnini kaserikia kawwara kavavasa avikwa na mise ivili. Kauṛa: Ni i uu? Lingi: Antana ki? 34Vengi kari ka isyamu vakarera kuri na vengi kuri. Kyasia ili andelolia sheeli atakee ikooya udede lwa mboni kiimba kya fiṛoṛongyo filya, kaniingia ivavaso arawa muṛiń wa vasikari. 35Neeli andefika kitaṛikoń kakurikwa vvasikari vanringe iraanga lya vandu. 36Amu kinga kya vandu veengi nnu vansoṛa veeroṛo-ngyaa veenumbuaa: Uta nndu uu! 37Nae Paulo ili eeatwaa muṛiń kaia nnini wa vasikari: Noore muumu nkuie kirero? Nae kanumbua: A kwishi kigiriki? 38Iwe ni iwe mMisiri ulya se andeaya mikonu ii vandu valya fiku fiini vandevaangwa vawaa kavakurika ṅṅaloń? 39Paulo kanumbua: Niń nkee nndu Muyuda nuukie Tariso muṛi wa Kilikia, nkee muni kivasha muṛiń ulya utakee ntanyari. Nakutereva shiniinga muumu nrere na vandu va. 40Kyasia ili andenniinga muumu Paulo kasalala kitaṛikoń katukia vandu valya uko. Neeli vandesia do karera nawo kwa mirerie ya kiebrania eereraa:
Currently Selected:
Mitanie ya varumi 21: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
