Barua ya Yohane ya kararu 1
1
1Niń nsuṛi nakwisana iwe nkunde wakwa Gayo, nkukundie na nrima. 2Nkunde wakwa, nkee ikuterevia kushiiywa mfindo foose na iva na finya, sheeli na nrima wafo ukee na usha. 3Amu nndekyesio̱ nnu, ili vanavamae vandesha na irambua udede lwafo, sheeli kukee yenda na ikuwara na udede lwa kwa Iṛuva. 4Nta noore ukyesi unini kita ilu lwa iita sheeli vana vakwa vakee yenda weendo lukuwore na udede lo ndi.
5Nkunde wakwa, ishoṛa lyo llya usongovisi kukee iṛundia vanavamae na akwaa vvalya vakee veeni. 6Wo vanderambua ikunda lyafo mbele ya siṛi. Nawe kutanaa kisha, ili kuvaelekiaa na ivaṛaṛata sheeli kisumani na kwa Iṛuva. 7Amu vandeuka kyeń kiimba kya irina lyamwi nta iwaria kindo kwa vayavaṛumu. 8Kyasia kyantiwara ise iwaria vandu sha iwo, amu timanyike tikee iṛundia udede andu emwi nawo.
9Nndetisiṛia siṛi barua, kake Diotirefe alangie iva wa mbele kari kawo atiwaria ndi. 10Kwa ikyo ili nshaa ninkumburusaa mitanie yamwi ilya atana eetireraa na firero fa ukasha. Ana nta fimfile ndi, ana nta ye muni awariaa vanavamae ndi. Na valya vafurie ivawaria avaimaa na ivauta siṛiń.
11Nkunde wakwa, manya ilatia fa ukasha, kake latia fa usha. Ulya akee itana fisha amilie kwa Iṛuva. Kake ulya atanaa fikasha nta allolia Iṛuva ndi. 12Demetirio ni nrambue wandu woose andu emwi na udede lua weni. Na akwaa ni ise tinrambuye, nawe kwishi sheeli irambua lyeru llya dede. 13Niiworee mboni shiingi ta ikutisiṛia, kake nta llangie ikutisiṛia na winu na kalamu ndi. 14Kake werie ikulolia ree, llyo tireraa kana kwa kana. 15Kaa-fo na unambwe! Ndoo teru takwisana. Isana ndoo ito teru nndu woose na irina lyamwi.
Currently Selected:
Barua ya Yohane ya kararu 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.