Barua ya Timoteo ya kavili 3
3
1Kake manya kirero ki sheeli mikonu ya ifurumia fivaa-fo feeri fa ngatara. 2Amu vandu vakukundaa wo veni vakava vakunda mbesa vakava vakuṅinisi na vakufumbisi na varuma na vateendia vasuṛi vawo vatawore waanu, vataaṛie Iṛuva sonu. 3Vatafurie va kwawo, vatafurie iitaniswa ni nndu, vakee vafingia vatakee ikwima nta kimwi, vakee vavaave vatakundie fisha. 4Kake vavaa vakabanisa na va nkuushu na vakushombi na vandu valatiaa ilanga lya wili kita ikunda Iṛuva. 5Vakworusaa sheeli vakusurie Iṛuva, kake valea ikuwara na finya ya nrima. Iwo nawo iwukana nawo. 6Amu kari ka iwo veefo vakwataa numbeń ta vandu na iwara vaka valya varie maṛio a mareko, variwa ni ilanga lya mikae miingi, 7veekuloshaa kyeeri kyoose, kake nta imakii ifikia uṛango lwa dede. 8Na sha lia Yane na Yambire valemana na Mose, mfo kuro na iva valemanie na udede lua. Vvandu vankashaa ngyuṛango tawo vataare veelelio̱ findoń fa ikusura. 9Kake veendaa mbele nnu ndi, amu utondo lwawo lulolikaa na baa kwa vandu woose, sheeli na utondo lwa valya lundelolika na baa.
10Kyasia iwe kwalatia miloshie yakwa na weendo lwakwa na kilya niń mfurie andu emwi na ikusura lyakwa na ikunda na isisiria lyakwa. 11Lingi kwalatia na ngyukiva takwa na matuṛulo akwa alya natuṛulio̱ kulya Antiokia na Ikonio na kulya Lisitira. Mikae yoose ya ngatara nasisiria. Nae Nndumi ashikiṛa toose. 12Nkya dede iva vafurie isumanisa muu wawo veeindiaa Kristo Yesu vakooyaa ngatara woose. 13Kake vandu vakasha na valembi veengeṛiaa yenda ukasheń veelembaa vandu na ilembika wo veni. 14Kake iwe kuware na mifundie ilya kundefundwa na kilya kunderambikio̱, amu kwishi kwamanya ni i kundeloshio̱ kwamwi. 15Nawe kwishi mitisiṛie misongori kuuka lia kukee mwana, nayo imakii ikuṛangusa kukooye ikiṛwa, kwakooya kukusuraa Yesu Kristo. 16Mitisiṛie misongori yoose yanniingio̱ ni Iṛuva na mminuru ya ilosha nndu na imfunda na imwikimba na insongosia usumaniń. 17Nkuro nndu wa Iṛuva asumaniswaa na itomariswa mitanień yoose ikee minuru.
Currently Selected:
Barua ya Timoteo ya kavili 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
