Barua ya Vatesalonike ya kavili 3
3
1Lya ifurumia vanavama, titerevień amu kirero kya Nndumi kikwani na iindio̱ sha kulya kwanu. 2Lingi titerevień tikiṛwa maakoń a vandu valya vakasha. Amu nta woose vawore ikusura ndi. 3Kake Nndumi wwa usuro, nae amuaviaa finya na imuringa Nkasha ulya. 4Neese ili tikee va Nndumi timukusurie sheeli mukee itana kilya tindemuvavasia na ikaa mwakaa mundekitanaa. 5Nndumi aoruse ngoo tanu mukooye ikunda lya Iṛuva na isisiria lya Kristo.
6Vanavama, tamuvavasa na irina lya Nndumi Yesu Kristo: Kwaveń na mwanamae woose atawore walio na ilea ufundo lua munderambikio̱ ni ise. 7Amu mwishi mu veni kasa kyawara mutille, amu tindekaa kwanu kwa iiṅana ndi. 8Ana tindelya shoonga kwa nndu kya ruu ndi. Kake nkwa ngatara na yatarika tikaṛunda mashoṛa kio na nsanyiń, amu titalamie nta nndu umwi kwanu. 9Nta niikai titawore muumu ndi, kake kiteveto tikaaṛua mikae yeru ive myorusie kwanu, naamu mutilatie. 10Amu na akwaa nkyeeri ikyo tiikee kwanu teemmuvavasaa kirero iki, sheeli nndu aleaa iṛunda mashoṛa, kyasia manya ataniingwa shoonga. 11Amu tamiita sheeli kunu kwanu veefo vandu vakwendiaa kya seṛeeto da vataṛundaa mashoṛa awo wo veni, kake vakwatariaa findo fa vandu vengi. 12Kyasia vandu sha iwo tavavavasa na ivaikimba na Nndumi weru Yesu Kristo vaṛunde mashoṛa na usuro na ilya shoonga yawo veni. 13Kake ini, vanavama, manya mutaaraa itana filya fikee finuru. 14Na akwaa ni nndu woose na kava i ateerikiaa kirero kya barua ii yeru kusembekeń nndu ito ana manya mutalye nae usaṛe, amu aṛiike na isiika. 15Kake manya mutantaalie ukituva, kake mwikimbeń sha mwanamae wanu. 16Alli Nndumi muni wa unambwe amuniinge unambwe kyeeri kyoose shień toose! Nndumi akaa neeni mu woose!
17A li iisana lya uko lwakwa niń Paulo. Ii yyo myorusie ya barua takwa toose. Yyo mitisiṛie yakwa. 18Uwoo lwa Nndumi weru Yesu Kristo lukaa neeni mu woose!
Currently Selected:
Barua ya Vatesalonike ya kavili 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
