Barua ya Vatesalonike ya kavili 1
1
1Ise Paulo na Silwano na Timoteo teesaana siṛi ii ya ifo Tesalonike ikuwore na Iṛuva Vaava weru na Nndumi weru Yesu Kristo. 2Uwoo luve neeni na unambwe fuukie kwa Iṛuva Nde na kwa Nndumi Yesu Kristo.
3Vanavama, kyatiwara yaana Iṛuva kyeeri kyoose kiimba kyanu. Kisumani kuro, fulya ikusura lyanu likee iṅina nnu na ikunda lia mukundani nalyo lyankwengeṛia kwa nndu woose wanu. 4Na akwaa ni ise ti veni takuṅinisa kiimba kyanu siṛiń ta Iṛuva kya isisiria lyanu na ikusura mukee nalyo kari ka matuṛulo anu woose na mavaviso mukee iliswa. 5Yyo myorusie ya uumisio lukee lwa udede lwa Iṛuva ya yorusa sheeli musumani yaka umangiń lwa Iṛuva ilu ini mukee ituṛulwa kiimba kyayo. 6Fulya kisumani Iṛuva ataa na matuṛulo valya vandemutuṛua ini, 7na imuwiiṛia ini mukee ituṛulwa muu andu emwi neese, ili Nndumi Yesu alolikaa na baa auka iṛuvewu ariani na vamalaika veni finya. 8Na iva avaa sha kibalabala kya muro eetaa kimini kwa valya vateeshi Iṛuva na valya vataindiaa nrumi shisha ya Nndumi weru Yesu. 9Nawo vakabwaa na imamisio̱ lya miṛeṛe na ilakaniswa na kisangu kya Nndumi na unini lwa finya yamwi, 10ili ye akaa ashe nkonu ulya, amu eetikiswa kari ka vasongori vamwi na iirikio̱ vvalya woose vamwirikie, — fulya irambua lyeru lyamiirikio̱ ni ini. 11Kwa ikyo tikee imuterevia ini mikonu yoose, amu Iṛuva weru amusumanisie ivaangwa lyanu na yawutia mifurie yoose ya usha na ishoṛa lya iṛundia ikusura na finya, 12amu irina lya Nndumi Yesu liṅiniswa ni ini, neeni mwirikio̱ sheeli mukee vamwi kisumani na uwoo lwa Iṛuva weru na lwa Nndumi weru Yesu Kristo.
Currently Selected:
Barua ya Vatesalonike ya kavili 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.