Barua ya Vatesalonike ya mbele 5
5
1Kake, vanavama, kya mboni ta feeri na kiṛengo noore kiteveto mmutisiṛie ndi. 2Amu ini mu veni mwishi sheeli nkonu wa Nndumi ushaa sheeli inini lishee kio. 3Ili vanumbuaa: lwifo unambwe na kibua, llyo ureti luvawoyaa kwa tiń sha kivawwo kiwoyaa nka ili eeiraa, nta vatamakii irisha. 4Kake ini, vanavama, mukee llemiń na nkonu ulya umutambukie sha inini ndi. 5Amu ini mu woose mwawa vana va langa na vana va nsanyiń. Ise tikee va kio ana va llema ndi. 6Kyasia manya titalale sha valya vengi, kake tikaa kya umbuura na iva na kiṛengo. 7Amu valala ruo valalaa kio, na akwaa vvanangwa vanangwaa kio. 8Kake ise tikee va nsanyiń tive na kiṛengo tiiṛaa kya iringa mbafu nakyo ni ikunda na ikusura, na iṛaa kya iringa nrwe nakyo ni iverea lya ikiṛwa. 9Amu Iṛuva andetikusaṛia uumisio lwa itireta ndi, kake naamu tikiṛwa ni Nndumi weru Yesu Kristo 10ulya andetifiya, amu tive na muu andu emwi nae, kwakooya tikee kya umbuura ana tilele. 11Kyasia kukaariseń na yelekana oo nndu woose na uroe, sheeli mutanaa.
12Tamutereva, muṛe vanavama, indień valya vakee imuṛundia mashoṛa a siṛi na imushilia vakuwore na Nndumi na imufunda na imwikimba. 13Muvakunde kilanya kiimba kya mashoṛa awo. Veń na unambwe mu veni na mu veni.
14Tamutereva, vanavama, ikimbeń valya vatakee na useli, kaariseń valya vakee na nrima ntanyari, niingeń valemwa finya, veń na ulalamboo kwa vandu woose. 15Lleń nnu nndu atataa ungi kikasha na kikasha, kake kutomariseń matika woose ikutania finuru ini mu veni na mu veni na itania vandu woose finuru. 16Fureń mikonu yoose. 17Tereveń Iṛuva manya mutalemwa. 18Aaneń Iṛuva findo foose, amu yyo mifurie ya Iṛuva, fulya mwawa va Kristo Yesu. 19Manya mutabaaye Mumuyo. 20Manya mutateende kyauyo. 21Kake kyoose kyelelień, na kilya kikee kinuru kiwareń. 22Iwukaniń na filya foose fikee fikasha. 23Na Iṛuva muni unambwe ye muni amwilise deń, na mumuyo wanu usumaniswa andu emwi na nrima na wili na iringwa liteefo ilomi, kumande Nndumi weru Yesu Kristo ashaa. 24Ito amuvaanga ye wwa usuro, nae atanaa.
25Vanavama, titerevień. 26Isaniń vanavamae woose mwikwongaa miimo misongori. 27Namwikimba na Nndumi, vanavamae woose vasomio̱ barua ii. 28Uwoo lwa Nndumi weru Yesu Kristo luve neeni.
Currently Selected:
Barua ya Vatesalonike ya mbele 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
