Barua ya Vakorinto ya kavili 13
13
1Alli llya kararu niń niishaa kwanu. ”Kwa kana ka varambua vavili ana vararu kirero kyoose kirambukaa“. 2Lia nkee kwanu lya kavili nndebooka iikimba na alli ili nkee kwaasha neeni nkee iikimba lingi valya vandetana mareko kuuka io na vengi woose sheeli: Ili nshaa lingi lliliaa ndi. 3Fulya mukee iṛuya myorusie ya finya ya Kristo uu alungani nań eereraa kari kakwa. Nae amuvia nta ntanyari ndi, kake awore imakii kwanu. 4Na kwakooya akabio̱ nsalabeń arie utanyari da, kake eefo na muu arie finya ya Iṛuva. Na akwaa ni ise tikee vatanyari da tikuvavie nae, kake tikaa na muu fiwarani nae kwa finya ya Iṛuva na ikuorusa tikuorusaa kuri kwanu. 5Kwelelień ini mu veni akwaa mukee ikusureń, kulolień ini mu veni! Ana mukwishi se ini mu veni sheeli Yesu Kristo akee kari kanu? Kwakooya kitaare nkuro mwallewa. 6Kake noore ba mumanyaa sheeli ise takwa ndi. 7Neese tikee itereva Iṛuva mutatane nta kikasha kimwi. Nta tikee itereva, amu ise tilolike sha vandu vesha ndi, kake naamu ini mutane kilya kikee kisha, neese tive sha vandu vakwa. 8Amu ise timakii itana kindo kikee ivingana na udede ndi, kake mashoṛa eru ni ikabania udede. 9Amu tikee ifura kwakooya ise tava vatanyari neeni mukava na finya. Lingi ifi nafo tikee itereva mukooye iselevendwa. 10Kiimba kya ikyo nkee itisiṛa ifi kitaare namfika, amu ili vvaa ifo ntave na uvaave kwa kiṛengo kya imakii ilyo nanniingwa ni Nndumi live lya imusongosia, nta litave lya imureta.
11Ifurumia, vanavama, fureń, mukuselevende, mukwikimbe, mirima yanu ive kimwi, mukaa unambweń, llyo Iṛuva muni ikunda na unambwe akaa andu emwi neeni. 12Kwisaniń mwionganaa miimo sheeli vasongori veeshivie. Vasongori woose vamwisana. 13Kaań ini mu woose na ililia lya Nndumi weru Yesu Kristo na ikunda lya Iṛuva na ilunganiswa lya Mumuyo Nsongori!
Currently Selected:
Barua ya Vakorinto ya kavili 13: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
