Barua ya Vakorinto ya kavili 12
12
1Ikuṅinisa shi muni niimakii ikuṅinisa da, kake kisheelekaa kindo ndi. Alli aranyiń mmurambue findo fa maṛiikiso, kasa naoruswa na irambuywa ni Nndumi muni. 2Niń niishi nndu umwi wa Yesu — kuuka kyeeri kyo yansia myaka ikumi na iini. Akwaa nndu to eembolo akee na vvili wamwi niishi ndi, ni Iṛuva eeshi. Akwaa ni nrima muni wakurikwa niishi ndi, ni Iṛuva muni eeshi. Nndu to afitwa ule kumande iṛuvewu lya kararu. 3Nań niishi nndu to — akwaa eekee na vvili niishi ndi, akwaa eekee wooṛo ya wili niishi ndi, ni Iṛuva eeshi. 4Nndu to eembolo kafitwa Paradiso bwań kaitia-fo firero fitavaa irera ana nndu atakaṛiaa nta ifirera. 5Kiimba kya nndu to nkuṅinisaa, kake kya kiimba kyakwa shi muni mmakii ndi. Kindo kishikangiaa nkuṅinise ni utanyari lwakwa. 6Na kikooye nafura ikuṅinisa, niivaa nantana kindo kya utondo ndi, amu iki niireraa kiivaa kya dede. Kake nkusembekaa kaaṛa nndu atashiitikise kilanya ya filya akee ilolia kwakwa na iita. 7Kiifo na kindo kingi kikee ishiima niikuṅinisaa kya mirambuye ilya minini: Nanrwaywa mfifi wiliń wakwa, nato ukee ishituṛua wishiilikaa sha kivambo kyoi. Nakyo kikava sha nrumi wa Satana anderumwa amu ashikabe na ṅunde, kaaṛa ntakushombe. 8Na kiimba kya ukiva lu namiiyaiya na Nndumi kararu kaase, amu ashuute. 9Nae kashiia: ”Ililia lyakwa likufile, amu kwa nndu ntanyari mfo finya yakwa ikooyaa mwaanya wa iṛunda“. Kiimba kya iki kindo nkee ikuṅinisa nakyo ni utanyari lwakwa, amu finya ya Kristo ikooye mwaanya wa iṛunda kari kakwa. 10Nań nkuumisaań koṛoń kyeeri kya utanyari ana kya usutu lwa vandu ana kya ngyukiva ana kya matuṛulo ana kya weṛei nkee iliswa kiimba kya Kristo. Amu kyeeri nkee ntanyari llyo noore finya ya nrima.
11Nawa nriṅani. Ni ini mwashikabiṛia. Amu kyeenshiwaraa niirikie ni ini, fulya kiteefo kyashirwaa numa ya valya vakulolie vakee varumi va dede, lla kasa ntakee kindo. 12Kilya kyorusaa nndu sheeli ni nrumi kyantanika kwanu kwa isisiria na kwa firingisio na myorusie na finya. 13Nkiki mundetuṛa kita siṛi tingi? Amu nta niń nndemweemia. Mushililie ureti lu!
14Lleń kyeeri ki nkya kararu niikwaliaa isha kwanu ana mmweemiaa ndi. Amu nkee iṛuya findo fanu ndi, kake ni ini nkee imuṛuya. Amu kisenye vana ifisa fuva ta vaande yawo ndi, kake waande vatifisia vana. 15Kake niń kilya kishisenyaa nnu ni iniingia kilya kikee kyakwa, nkya dede na akwaa nniń shi muni nniingio̱o̱ kiimba kya mirima yanu. A le sheeli neengeṛia imukunda nnu, naanguywaa ikundwa? 16Kyasia niń nammutuṛua ndi, kake veefo vakee inumbua, ni uṛango lwakwa ukasha nndemuwara nalo kwa ntambwe. 17A le vandu valya nndevaruma kwanu veekee vavavase nniń vamuuṛe kindo? 18Nndeikimba Tito nanruma andu emwi na mwanamae ulya ungi. A le Tito amuuṛa kindo? A Mumuyo ulya atikurikaa yye ulya muni ndi? Na mbayo tilya tilatiaa nto ito sheni se?
19Mwabooka kuuka mbele itikusaṛia sheeli tikee ikushiisa mbele yanu. Mbele ya Iṛuva tikee irera tikuwore na Kristo, na ifi foose nkiimba kya imusongosia ini, muṛe vakunde. 20Amu neeṛee sheeli ili nshaa ntamuloliaa ini sheeli mfuraa imulolia, lingi sheeli neeni mutashiloliaa nań sheeli mufuraa. Nkee yeṛea kundo nkooyaa kwanu minaye na iriso na ituṛuka na inaa na ifingia na ikurera na ikushomba na kiṛoṛongyo. 21Nań ili nshaa lingi, Iṛuva wakwa ashinyiisaa lingi ifo kwanu, nań ndiikiaa veengi vanderekio̱ kuuka ilyo vatandekurra ukasha na ukwe na waaisi vandelutana.
Currently Selected:
Barua ya Vakorinto ya kavili 12: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
