Barua ya Vagalatia 1
1
1Niń Paulo nkee nrumi. Nte nnderumwa wandu ndi, ana nta nnderawa uṛundiń ilu ni nndu ndi. Kake nnderumwa ni Yesu Kristo na Iṛuva Vaava andenduta kuuka kwa vafu. 2Ise na vanavamae woose vakee nań teesana siṛi tilya tikee ifo Galatia. 3Uwoo lukaa neeni na unambwe fuukie kwa Iṛuva Nde na kwa Nndumi weru Yesu Kristo. 4Yye uu andekuningia ufuń kiimba kya mareko eru, amu atikiṛe eetilakanisaa na isanga li ikasha lya alli, sheeli Iṛuva andekunda akee Vaava weru. 5Uu eetikiswa miṛeṛe na miṛeṛe uteefo mmando. Amen.
6Ndiikie nnu kiimba kya llakanu wanu wa ilakana ree kuri na uu andemuvaanga kwa ililia lya Kristo na ilatia nrumi ingi. 7Ana nta iifo nrumi ingi shisha. Kake veefo vandu vakee imufuluta na itiṅwa iilasha nrumi ya Kristo ya ifura. 8Kake kwakooya ise ti veni ana mmalaika wa iṛuvewu tamukwanisia ini nrumi ingi ya mikae yoose kitaare ni iyo tindemukwanisia, nndu woose atana kuro adengwa ni Iṛuva. 9Sheeli nabooka imuia, na alli nkee inumbua Iingi: Nndu kamukwanisia ini nrumi ingi kitaare ni ilya mweewwariaa mbele adengwa ni Iṛuva. 10A le ifi narera amu niirikio̱ vvandu ana ni Iṛuva? Ana mfurie isenya vandu? Kikooye niisenyaa vandu, niivaa iketi lya Kristo ndi.
11Amu vanavama, nkee imumanyisa sheeli nrumi yo ya ifura Tindemukwanisia nta yya kivandu ndi. 12Amu naiwaria kwa vandu ana naloshwa ni nndu ndi, kake naiwaria kwa myorusie ya Yesu Kristo. 13Amu mwamiita mboni ta weendo lwakwa lwa ikuwara na windi loose lwa kiyuda, sheeli niń niikee ivina siṛi ya Iṛuva kya mmwasi na ilanga iikasheesa deń. 14Nań niikee wa mbele kari ka veengi va irika lyakwa niikwatariaa mikae yoose ya kiyuda na ikabania nnu milimu yoose tindeniingio̱ wakuuku veru. 15Kake Iṛuva to andeshisaua kuuka simiń ya yeyo wakwa kashivaanga kwa ililia lyamwi, 16ili andesenywa irambua Mwana wamwi kari kakwa, amu nkwanisie vayavaṛumu nrumi yamwi shisha. Nań nta nnderera mbele na vandu va vvili na usao ndi. 17Ana nta nndeenda Yerusalemu kwa valya veekee varumi mbele yakwa ndi. Kake nndeenda kulya Arabia, numa nauya lingi Damasiko.
18Numa ya myaka iraru nnderwa na ule Yerusalemu, amu nkwanie na Kefa nasinda kwamwi mikonu ikumi na iraanu. 19Kake nta Tindelolia nrumi ungi kitaare ni Yakobo akee mwanawo wa Nndumi ndi. 20Lleń, na ifi nkee imutisiṛia ia wwongo ndi, Iṛuva eeshi. 21Numa neenda taari ta Siria na Kilikia. 22Kake nta undelolika kisangu kyakwa siṛiń ta Yudaya tikee ta Kristo ndi. 23Vandeita vakaio̱: Ito eekee itivina ilyo mbele alli akee ikwanisa ikusura lia andelikasheesa mbele. 24Vakaṅinisa Iṛuva kiimba kyakwa.
Currently Selected:
Barua ya Vagalatia 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
