Barua ya Vakorinto ya kavili 11
11
1Kisenye musisirie kinnya nrere kya uriṅani! Niishi sheeli mushisisiriaa. 2Amu mmuworie iriso, ni iriso lya Iṛuva, amu nndemworisia nndumi umwi yye Kristo, mmurwaa kwamwi muve sha mwali nsongori. 3Kake sheeli shoka ilya indelemba Eva na mitambwe yayo, noore weṛei kundo neeni murwaa makusaṛo anu mbaai mutamakii lingi ivandama Kristo ye muni da na ikaa nae. 4Kwakooya nndu ashaa kwanu na ikwanisa Yesu ungi kitaare ise tammukwanisia ana akwaa muloliaa Mumuyo ungi mutandekooya ana ikwanisio̱ nrumi shisha ingi kitaare mwaiwaria, kyasia ini mukee vasisiria vesha. 5Kake nkusaṛie, kiifo llemwaa ndi kwa valya woose vakee ikuniinga tikisi toose ta urumi. 6Na akwaa nava nriṅani wa irera, nta nkee nriṅani wa irambua ndi, neeni mwanshilolia sheeli nkee kuro kari ka findo foose.
7Ana narekio̱ ili nndekunyiisa, amu ini muṅine? Ana narekio̱, ili nndemukwanisia nrumi shisha ya Iṛuva ntawore maṛe? 8Siṛi tingi nndetisoka na yuta-fo maṛe, amu mmakii imuṛundia ini. 9Na ili niikee kwanu nava nantuṛa fa ilela muu wakwa, eefo nta nndemwatara ndi. Amu vanavamae valya vandesha vauka Makedonia vakashiniinga filya fiiyani na wavi lwakwa. Kari ka findo foose nakulla, amu nkaa kwanu kitaare namwatara, na kuro mfo nkullaa. 10Amu udede lwa Kristo lukee kari kakwa, nkyo nkee ikabania ikwishika lyo lyakwa amu litakasheeswa ifo urukeń lwa Akaya. 11Nkiimba ki? Naare niikai ntamukundie ini? Iṛuva afiishi. 12Kake kilya nkee ikitana neengeṛiaa ikitana, amu nraye shia ya valya vakee iṛuya mwaanya wa ikuvakanisa nań veekushombaa wo veni. 13Amu iwo wwo varumi va wongo, vakee ikwaṛua sheeli vvaṛundi va Kristo. 14Nakyo nkindo kya iṛiikisa ndi. Amu Satana nae akwaṛuaa sha mmalaika awore langa. 15Kwa ikyo nta nkirero kinini ndi, vaṛundi wamwi nawo vakwaṛuaa sha maketi masongori, kake ifurumia lyawo tivakanaa na mashoṛa awo.
16Nanumbua lingi: Manya nndu atashikusaṛie niń nkee nriṅani. Kake kwakooya mwashikusaṛia kuro, shiwarień sha nriṅani, amu nań nkushombe kinnya. 17Filya nkee irera alli nkee irera firero fa Nndumi ndi, kake nsheeli nkee wa uriṅani, fulya noore kiimba kya ikushomba. 18Ili veengi vakee ikushomba kivandu, nań nkushombaa. 19Ini fulya muwore imanya, mukee isisiria variṅani na ifura. 20Fulya mukee isisiria, kwakooya nndu amurwaa usingeń ana imulemba ana imusoka filya fikee fanu ana ikuṅinisa kwanu ana imukaba kisa ngu. 21Iki nkee irera nkya usutu sheeli tiikee vatanyari. Kake kwakooya nndu awore utomari lwa mikae yoose — narera kiriṅani — nań noore utomari. 22Wo Vvaebrania? Nań da. Wo Vvaisiraeli? Nań da. Wo ni ufwari lwa Abraamu? Nań da. 23Wo waṛundia Kristo? — narera kya uketo — nniń kya mmwasi. Kari ka ngatara wakilie deń. Fifingioń wakilie deń. Fa ikabwa wakilie nnu kutu. Fitaniń fa ifwa nkeengi. 24Nkaraanu nakabwa vVayuda mbiiri makumi aani itaiyo imwi. 25Kararu nakabwa na bakora, limwi nakabwa na mawe. Kararu ngalava yakwa yafikia nruveń, kio kimwi na nsanyiń umwi nasinda nruveń. 26Faaṛoń fakwa fiingi nakooya fitani fa mira na fitani fa fisoki na fitani fa vandu va ufwari lwakwa na fitani fa vandu va vayavaṛumu na fitani fa miṛiń na fitani fa bateń na fitani fa nruva na fitani fa vanavamae va ulembi. 27Nameemio̱ nngatara na maaraa niilalaa rembo keengi. Nawarwa nsoto na nyura, niiworee iila keengi naliwa mmbioo natuṛa kya iṛaa. 28Na kitaare ifi foose ifo filolikie baa fikilio̱ ni ifo fikee ishishea nkonu tiṛi andu emwi na ikwataria siṛi toose. 29Ni i akee ntanyari nań ntasaandi nae? Ni i atevetwa nań ntaliwa nngoo? 30Kikanshiwara ikuṅinisa nkuṅinisiaa fa utanyari lwakwa. 31Iṛuva Nde wa Nndumi Yesu awore unini kumande miṛeṛe ye eeshi sheeli nkee irera wongo ndi. 32Kulya Damasiko nshili wa mangi Areta eekee iringa muṛi wa Damasiko ashiware. 33Nań naolotwa na nkusha naitwa kidengeṛoń nakia maakoń amwi.
Currently Selected:
Barua ya Vakorinto ya kavili 11: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
