Barua ya Timoteo ya mbele 5
5
1Nndu nsuṛi manya kutannaiye, kake mwikimbe sha vaava, na iva vakoo kuvarerie sha vanavamae. 2Iva vakyeku sha maa, vaka vakoo sha vamfwamae vafo na sonu shisha toose. 3Misiketi iva vakee misiketi dede kuvaindie. 4Kake kwakooya nsiketi uwore vana ana kishuku, wo vakuloshe mbele iṛunda filya fawara ifo kyeń kwawo na itaa vaande yawo. Amu iki kisenye Iṛuva. 5Nka nsiketi nae asumani ni ulya akaa kyaanya kyamwi eekuwara na Iṛuva tabu na inkusura na intereva kio na nsanyiń. 6Kake ulya alatiaa milangie ya waaisi ito amfwa nrima na akwaa akikee na muu. 7Findo fo nafo fivavase, amu vatave na kya imurera. 8Kake nndu woose atakee illa valya va kyeń kwamwi na kilanya va numba yamwi veni, ito ankana ikusura, lingi ni nkasha kita ulya atakusurie.
9Nka nsiketi manya atatisiṛwa kitabuń kya misiketi ya iṛundia siṛi kitaare amaa myaka makumi arindaru, nae eekee nka wa nndumi umwi da. 10Nae alolikie wwa mitanie minuru, ili allela vana, ili awwaria veeni, ili ansangya vasongori marende, ili ameelekia vakiva, ili allatia ishoṛa isha lyoose na utomari. 11Kake misiketi mikoo lea ivatisiṛa, amu ili vaṅinio̱ ni ilanga vatiaa Kristo valange yalikwa. 12Nawo vawore uumisio, fulya vantia ikusura lyawo lya mbooko. 13Lingi andu emwi na ifo vakwishivisa irokua veeṛaaṛaa numba kwa numba. Ana nta vvaroko da ndi, kake vvaṛiingi na vafuluta vengi veereraa firero fitasumani. 14Kyasia mfurie, misiketi itandekua yalikwa vaire vana na iṛundia kyeń kwawo, amu vataotoṛie kituva mwaanya wa ivaṛiinga. 15Amu kiindi vammaa yaṛuka na ilatia Satana. 16Nka akusurie kwakooya awore misiketi ufwariń lwamwi, avalele ye muni, amu siṛi iteemio̱, amu yo yelekie valya vakee misiketi dede. 17Vasuṛi valya vaselelie siṛi kisha wo kisumani vaniingwa windi kavili, mmwasi iwo vakee ikwatara na ikwanisa na ilosha. 18Amu mitisiṛie irerie: ”Numbe ikee iṛunda manya kutaifinge kana“. Na lingi: ”Ndundi aniingwa maṛe amwi asumani nae“. 19Nndu nsuṛi kaṛiingwa kwafo manya kutawarie mwaandu vateefo varambua vavili ana vararu. 20Valya varekio̱ kindo kuvarerie kisanguń kya vasuṛi woose, amu na vengi vautie-wo yeṛea. 21Nakuvavasa mbele ya Iṛuva na mbele ya Kristo Yesu na mbele ya vamalaika vasaue ringa ifo kitaare kwasuuya nndu ana kutatane kindo kwikundiaa nndu. 22Kutaekeṛie nndu maako kwa tiń, manya kutakwate marekoń a vengi. Kuringe iwe ku muni kuve nnuru. 23Kuuka alli manya kutanwe mura da, nwa mfinyo munnya kiimba kva ndewu yafo na ndwaṛi tikuwaraa kyeeri kwa kyeeri. 24Veefo vandu mareko awo akworusie na baa, nawo avairiaa mbele avarwaa uumisioń. Na vengi mareko awo amanyikaa numa. 25Mfo kuro na mitanie minuru ikworusie na baa, na filya fitakee fa baa fimakii ikufisa ndi.
Currently Selected:
Barua ya Timoteo ya mbele 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
