Barua ya Timoteo ya mbele 3
3
1Kirero ki nkya dede: Kwakooya nndu akunda mashoṛa a illa siṛi, alanga mashoṛa manuru. 2Kyasia ulya woose allaa siṛi kyawara ave nndu wa mikae isenye na nndu wa nka umwi. Ave na nndu wa walio atawore tembeṛu, ave na nndu mwarutu awore sonu shinuru. Ave na nndu wa maako awariaa veeni, ave na nndu eeshi ilosha. 3Manya atave nndu aṛemie na wari ana nndu wa nkuru. Kake ave nndu wwoo atawore myaandu ana unyuku. 4Lingi ave nndu eeshi ishilia kyeń kwamwi ninsha na iishivisa vana vamwi ikaa na windi unuru mbele ya vanini vawo. 5Amu kwakooya nndu atamakii ishilia kyeń kwamwi muni, naare amakii iṛundia siṛi ya Iṛuva? 6Lingi atave nndu andesha siṛiń suku to sheni, kaaṛa atakushombe na ituulwa uumisioń nSatana. 7Na lingi kyawara ave nndu akundio̱ wandu, na kitaare wa siṛi, amu atarerwa kikasha ana irey wa nSatana.
8Mfo kuro na veelekia siṛi vave vandu va usuro vatawore ukavili, vatave vandu vanwa wari nnu, vatawore ilanga mbesa ta usutu. 9Vaware kiṛisi kya ikusura nrimiń nnuru. 10Iva kyawara veelelio̱ mbele, numa vakwatarie siṛi ili vallolika sheeli vatawore ilomi. 11Mfo kuro na vaka vawo vave na nsendo nnuru vatave vafingia. Vave na walio na utele findoń foose. 12Kya veelekia siṛi kyawara nndu woose ave na nka umwi. Lingi vave vandu veeshi isalalia vana vawo kinuru na numba tawo veni. 13Na valya veeshi iṛundia siṛi kinuru vairikio̱o̱ wwoose, lingi vakooyaa finya ya irera na baa luteefo weṛei veekusuraa Kristo Yesu.
14Nakutisiṛia ifi niiangusiaa isha kwafo kwa kyeeri kifui. 15Kake nansinda, kumanye weendo kasa kyawara vandu veende ifo numba ya Iṛuva, nayo ikee siṛi ya Iṛuva muni muu, ikee ngo na mfulo wa udede. 16Nkya dede kiṛisi kikee kinini kya windi. Nakyo nkyo iki: ”Uu andekworusa kwa wili wa nndu, kairikio̱ mMumuyo, kalolikia vamalaika, kakwaniswa kari ka vayavaṛumu, kakusurwa isangeń, karosio̱ uniniń“.
Currently Selected:
Barua ya Timoteo ya mbele 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
