Barua ya Timoteo ya mbele 2
2
1Kindo nkee imufunda kikee kwa ule nkyo iki: Veń vandu va iterevia vandu woose na ivaania kwa Iṛuva 2mwitereviaa na mamangi na vanini va uruka, amu tikaa na unambwe iteefo myaandu tiikusuraa Iṛuva na isumanika findoń foose. 3Na mikae ii mminuru ikasenya Iṛuva Nkiṛa weru. 4Amu Iṛuva afurie vandu woose vakiṛwa na ikooya imanya filya fikee fa dede. 5Fulya eefo Iṛuva umwi, eefo na nsalaba umwi kari ka Iṛuva na vandu, yye Kristo Yesu andeva nndu 6kakuniingia ye muni ave ntaua wa itaua vandu woose. Ii yyo mirambuye ikwaniswaa koose kyeeri kyayo kikamfika. 7Nań kiimba kya ikyo nnderawa-fo vve nkwanisa wayo na nrumi na iva vve llosha wa vayavaṛumu vakooye ikusura na udede — nkee irera dede, nta nkee irera wongo ndi.
8Kyasia mfurie womi vatereve andu woose veeimboo maako a windi liteefo ituṛuka ana ivingana. 9Mfo kuro kyawara vaka nawo vakwambike na masaṛa asenye andu emwi na sonu shisha na nrima wa walio, nta vatakwishike na yoka nrwe ana masaa a saabu ana samana ana miseto ya utoṛe. 10Kake vakuware na mitanie misha sheeli kyawara vaka vakee irambua weṛei lwa Iṛuva. 11Nndu nka akuloshe eearanyaa kya kisiria eekaa na windi lwa mikae yoose. 12Nta naniinga nndu nka muumu wa ilosha ndi ana wa ishilia nndumi ndi, kake ave na useli. 13Amu Adamu yye aumbwaumbwa lya mbele na Eva kafurumia. 14Ana nta Adamu alembika, kake nka yye alembwa kandeakia mikaeń ya ireko. 15Kake akiṛwaa kwakooya aira vana, nawo vakaa na ikusura na ikunda na usongori andu emwi na mirima ya usaaṛo.
Currently Selected:
Barua ya Timoteo ya mbele 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
