Barua ya Petiro ya mbele 4
4
1Kyasia ili Kristo atuṛulwa wili wamwi, na akwaa ni ini mukufingie mikae yo muve kimwi nae. Amu ito andetuṛulwa wili allakana na mareko. 2Kuuka alli manya mutaengeṛie ilatia milangie ya kivandu, kake latień mifurie ya Iṛuva feeri fanu fikiseere fa ikaa kunu isangeń. 3Amu kyeeri kiikee kyaasha kilya mundeṛundia nakyo findo filya vayavaṛumu vafikundie mwikuwaraa na waaisi na milangie na unangwa na imutu lya ulafu na finangisa na iindia maṛuva a wongo. 4Nkyo kivaṛiikisie alli, ili mwalea yuiya ngyukasha ti toose andu emwi nawo. Kwa ikyo vakee imuruma. 5Kake wo va-uṛwaa ni ulya akudeeṛie yumisia valya veefo na muu na valya vamfwe. 6Amu kwa kiimba kyo na akwaa ni iwo vamfwe vandekwa-nisio̱ nrumi shisha, amu vaumisio̱ wili kwa shia ya kivandu, kake vakaa na muu kwa Mumuyo kwa shia ya Iṛuva.
7Kake ifurumia lya findo foose lyansha kufui. Kyasia veń na uṛango mukaa kya umbuura, amu mumakii itereva. 8Na kita foose kutomariseń ikundana, fulya ikunda lisikiaa fikasha fiingi. 9Kuwarień kyeń kwanu ini mu veni na mu veni liteefo iṅuṅura. 10Rundianiń ini mu veni na mu veni nndu woose eeṛundaa na kilya amaavio̱. Kuro llyo muvaa valla va illa ngyuavi ta uwoo lwa Iṛuva tikee ta mikae miingi. 11Nndu karera arere kilya kisumani na Iṛuva. Nndu kaṛunda aṛunde sha nndu aniingio̱ mfinya ya Iṛuva, amu Iṛuva eetikiswa na ifi foose kari ka Kristo Yesu. Unini llwamwi na imakii miṛeṛe na miṛeṛe! Amen.
12Muṛe vakunde, manya mutaṛiikiswa mmatuṛulo amuwoya na imuvavisa sha muro, sheeli mfindo mutamakii ifimanya, mfindo fa imwelelia da. 13Fureń! Amu mukantaṅaṛia matuṛulo na Kristo mufuraa kya mmwasi na ikaba mindoṛo, ili unini lwamwi lulolikaa. 14Muvaa va ngoma, kwakooya mwarumwa kiimba kya irina lya Kristo, fulya Mumuyo wa unini nto wa Iṛuva amukaye. 15Manya nndu kwanu ataliswa ukiva, fulya akee wwaa ana inini ana mutana fikasha ana ndiingi. 16Kake nndu kaliswa ukiva akee nkristo manya atasuke, kake aṅinise Iṛuva na irina lyo. 17Amu kyeeri kyamfika kya ibookia yumisia numba ya Iṛuva. Kake kwakooya kyabookia kweru ise, ifurumia lya valya vatairikie nrumi shisha ya Iṛuva fivaa are? 18Na kwakooya ulya akee nsumani awore ngatara akie, a ulya atakusurie Iṛuva akee nrekwa nkwi akaa? 19Kyasia valya vakee ituṛulwa kwa mifurie ya Iṛuva varambikie mirima yawo muvatana uu akee wa usuro veetanaa kilya kikee kisha.
Currently Selected:
Barua ya Petiro ya mbele 4: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
