Barua ya Petiro ya mbele 5
5
1Vasuṛi valya vakee ifo kwanu navafunda niń nkee nsuṛi uroe wawo na nrambua wa matuṛulo a Kristo na ntaṅaṛiana unini lukaa lulolike: 2Iseń shoo ya Iṛuva ikee kwanu na iiringa, nta nsha vandu vakabiṛie ndi, kake nsha vandu vakunda Iṛuva. Ana manya mutaṛuye-wo mbusha, kake salalień shoo na mirima yoore utomari. 3Ana manya mutakwaṛue mawomi ifo siṛiń tanu, kake veń vandu va iiria siṛi mbele. 4Mukavva kuro muwariaa kiṛeto kya uvingo ikyo kitaumaa, ili mwisi ito nnini alolikaa. 5Mfo kuro ini vakoo, irikień vasuṛi. Kyasia ini mu woose mukunyiise mu veni na mu veni, fulya Iṛuva aleaa vakuṅinisi, kake valya vakunyiisaa avaliliaa. 6Kiimba kya iki mukwinitie kwa si ya uko lwa Iṛuva luwore finya, amu amuṅinise kyeeri kyamwi. 7Fima fanu foose mumwekeṛie ye, amu amukusaṛiaa. 8Sisirień mulale rembo, fulya nkituva wanu Satana akee iṛuaṛua sha miiso iiṛuṅunaa kaṛuya nndu amakii immiṛa. 9Uu kumwumiseń mwikuwaraa na ikusura lyanu tabu na imanya sheeli vanavamae vanu va isangeń lyoose vawore ngyukiva ti toose nawo. 10Na Iṛuva muni wa uwoo loose andemuvaangia unini lwamwi lwa miṛeṛe, fulya mukee va Kristo, yye amusumanisaa na imwirisha na imuniinga finya kyeeri kilya kiti mukee ukiveń. 11Unini llwamwi na finya miṛeṛe na miṛeṛe. Amen.
12Namutisiṛia ifi kwa uko lwa Silwano mwanamae uu ntele, amu mmwikimbe ini na irambua, sheeli uwoo ilu lwa Iṛuva mukuwore nalo llwa dede. 13Siṛi ya kunu Babilon ikee shisaue andu emwi na yanu yamwisana, na mwanakwa Mariko mfo kuro. 14Kwisaniń mu veni na mu veni na ikwonga miimo ya witanu! Unambwe lukaa neeni mu woose mukee va Kristo!
Currently Selected:
Barua ya Petiro ya mbele 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
