Barua ya Petiro ya mbele 3
3
1Mfo kuro neeni vaka, indień womi wanu, amu kwakooya veefo womi vatakusurie kirero vaomulwa mmitanie ya vaka vawo kitaare nkwa kirero 2veellaa weendo lwanu usha lukuwore na yeṛea Iṛuva. 3Ikwambika lyanu manya litave lya wooṛo tubu sha iimbika nrwe na yoka ana ikwambika na masaa a saabu na ikuvika miseto ya utoṛe. 4Kake ikwambika lyanu live lya usha lwa nrimiń lukee ikuwara tabu na uwoo na useli. Llyo ikwambika litasiaa, nalyo liwore uuru unini kisanguń kya Iṛuva. 5Amu nkuro vaka valya vasongori veekee ikwambika ilyo mbele valya veekusuriee Iṛuva vakaindia womi vawo, 6sha Sara ili andeindia Abraamu kawaanga nndumi. Neeni vaka mwawa vana vamwi mukantana finuru mutaeṛeeswa nta nkindo kimwi.
7Mfo kuro neeni womi, kaań na vaka vanu na uṛango na imanya mumanye sheeli wo wandu vatawore finya sha ini. Vaiteń mbele, fulya na akwaa wwo vandu valilio̱ ni Iṛuva na iva vawa vayadiṅu ya muu utakisiaa. Taniń kuro, amu mutaire singiri mulemwa itereva Iṛuva.
8Kyasia kirero kya ifurumia ni iki: Ini mu woose muve va mikae imwi na va ndewu shooṛoo na vawore witanu na va mililie na va utele. 9Mutataa kikasha na kikasha ana kirumu na kirumu, kake niingeń valya vamutuṛua mboṛa, fulya iva wwo mashoṛa anu mwa-vaangio̱, amu murwaa diṅu ya mboṛa ya Iṛuva. 10Fulya kikee kitisiṛe: ”Ulya afurie ikyesia muu wamwi na ilolia mikonu minuru aime ulumi lwamwi lwireraa fikasha na fiṛomu famwi fiireraa wongo. 11Eewukane na fikasha atane finuru. Aṛuye unambwe alusoṛe. 12Fulya miso a Nndumi akee illa valya vesha na marwi amwi akee iita fiterewo fawo. Kake kisangu kya Nndumi kikee ilea valya vatanaa kikasha“.
13Yye i amukasheesaa, kwakooya mukee ikutomarisa kya filya fikee finuru? 14Na akwaa mwaliswa ukiva kiimba kya usha, ngoma ini. Muteeṛee yeṛeesa lyawo, nta mutakyangike. 15Kake indień Kristo Nndumi ngooń tanu na ikudeeṛia kudeeṛień yaṛua nndu woose amuuṛaa kya iverea lyanu mukusurani nalyo ifo mirimiń yanu. 16Kake mumwaṛue na uwoo na weṛei mwivaa na nrima nnuru, amu valya vakee iruma weendo lwanu usha lwa kwa Kristo vasutwa. 17Amu llyo ṅwana ituṛulwa kiimba kya itana fisha ikankooya yyo mifurie ya Iṛuva, nkisha kita itana fikasha. 18Amu nae Kristo afwe limwi tubu kiimba kya mareko eru ye akee nsumani kafwa kiimba kyeru ise varekwa, amu atirwaa kwa Iṛuva. Kawalwa kivvili, kake kawiiṛwa muuń kimumuyo.
19Amu kiimba kya ikyo andeendea mirima ilya ikee kifingioń kandevakwanisia nrumi shisha. 20Nawo vvalya vandelea ikusura lia Iṛuva andesisiria na ulalamboo feeri fa Noe, lia isanduku lia lisongosio̱. Na kari kayo wandu vaangu da vandekia iwaleń lia, wandu nyaanyi. 21Mura to mfwana ya mura ulya ukee imukiṛa neeni alli, ni ubatiso. Nalo lukee imuuta kiṛinda kya wili ndi, kake lukee itereva Iṛuva nrima nnuru uwore uumu kwa finya ya iṛuka lya Yesu Kristo. 22Nae akee uko usha lwa Iṛuva, ili amaa iroswa iṛuvewu. Mfo eerikio̱ wamalaika na vanini na va finya vakee kwa si yamwi.
Currently Selected:
Barua ya Petiro ya mbele 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
