Barua ya Yohane ya mbele 5
5
1Nndu woose akusurie sheeli Yesu akee Kristo, ito amiiriwa ni Iṛuva. Na nndu woose akundie ulya andemwira, akundaa na ulya andeiriwa yye, ni Iṛuva. 2Na shia ya imanya sheeli tikundie vana va Iṛuva yyo ii: Ni ikunda Iṛuva na ita ta filya ativavasie. 3Amu ikunda Iṛuva ni iwara mavavaso amwi. Na mavavaso amwi mmeemeri ndi. 4Fulya nndu woose amiiriwa ni Iṛuva avingaa isanga. Na kindo kya ivinga isanga ni ikusura lyeru. 5A ulya avingaa isanga yye i? Ni ulya tubu akusurie sheeli Yesu mMwana wa Iṛuva.
6Yesu Kristo yye uu andesha eetivaangiaa mura (wa itisangya) na kwa ikyo kaniingia usao (lwamwi). Andesha ativaangie mura (wa itiaṛutia Iṛuva) da ndi, kake na akwaa ni usao lwamwi kaluniingia kwa ikyo. Na Mumuyo Nsongori nto akee inrambua, amu Mumuyo akee udede. 7Kyasia fiifo firaru fikee irambua ifo: 8mMumuyo na mura na usao. Na ifi firaru fiwarani. 9Kwakooya teerikia irambua lya vandu, kyasia irambua lya Iṛuva ni inini kita. Amu irambua lya Iṛuva llia anderambua nalyo Mwana wamwi ye muni. 10Ulya akusuraa Mwana wa Iṛuva, ito akuwore na irambua lyo. Ulya ara atakusura Iṛuva ammwaṛua wa wongo, fulya kitaare andekusura irambua lia Iṛuva anderambua nalyo Mwana wamwi ye muni. 11Na mirambuye yyo ii sheeli: Iṛuva antiniinga muu wa miṛeṛe, nato mmuu Mwana wamwi auwore. 12Ulya akuwore na Mwana awore muu ito. Ulya atakuwore na Mwana wa Iṛuva awore muu uu ndi.
13Ifi namutisiṛia ini mukusurie irina lya Mwana wa Iṛuva, amu mumanyi sheeli muwore muu wa miṛeṛe. 14Na kilya kikee itiniinga nrima mwarutu wa inshea nkyo iki sheeli: Kwakooya tinterevaa kisumani na mifurie yamwi, atiitaa. 15Na kwakooya tiishi sheeli atiitaa kya foose tinterevaa, tamanya sheeli fiterewo filya tammutereva tammaa iniingwa.
16Nndu kalolia mwanamae wamwi eetanaa ireko litannde ufu, anterevie, llyo Iṛuva anniingaa muu andu emwi na varekio̱ vengi vaaroe vanrekio̱ kitaare nkya ufu. Liifo ireko linnde ufu, io nnumbuaa nndu aterevie ndi. 17Kilya kitakee kya usumani ni ireko. Kake liifo ireko litannde ufu. 18Tiishi sheeli nndu woose andeiriwa ni Iṛuva atanaa fikasha ndi. Kake ulya amiiriwa ni Iṛuva akuringaa, amu Nkasha ulya atambaani. 19Tiishi sheeli ise timilie kwa Iṛuva, na isanga lyoose likee kwa si ya Nkasha ulya. 20Neese tiishi sheeli Mwana wa Iṛuva ammaa isha katiniinga uṛango timanye ito akee muni udede. Neese tilungani na ito muni udede, yye Mwana wamwi Yesu Kristo. Uu yye akee Iṛuva muni udede na muu wa miṛeṛe. 21Vana vakwa, iwukaniń na maṛuva a wongo!
Currently Selected:
Barua ya Yohane ya mbele 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
