Barua ya Yohane ya mbele 4
4
1Muṛe vakunde, manya mutairikie mumuyo woose, kake elelień mbele mimuyo akwaa imilie kwa Iṛuva. Amu vaauya veengi va wongo vansha isangeń. 2Na kuro llyo mumanyaa Mumuyo wa Iṛuva: mumuyo woose arambuaa sheeli Yesu Kristo ansha kwa wili wa kivandu, ito amilie kwa Iṛuva. 3Na mumuyo woose atarambuaa sheeri Kristo ansha kari ka wili, ito amilie kwa Iṛuva ndi. Nto mumuyo wa mwima Kristo. Kyamwi mwamiita sheeli akee isha. Na akwaa na alli ammaa isha isangeń. 4Vana vakwa, ini mumilie kwa Iṛuva, neeni mukamaa ivinga vaauya valya va wongo. Amu ito akaa neeni ni nnini kita ito akee kunu isangeń. 5Valya vamilie isangeń, kwa ikyo vakee irera kya kiisanga, na va isanga vakavaita. 6Ise timilie kwa Iṛuva. Na ulya ammanya Iṛuva akee itiita ise. Kake ulya atamilie kwa Iṛuva atiitaa ise ndi. Ikyo nkyo kyatiniinga imanya Mumuyo wa udede na mumuyo wa ulembi.
7Muṛe vakunde, tikundane ise ti veni na ti veni, fulya ikundana limilie kwa Iṛuva. Na ulya awore ikundana amiiriwa ni Iṛuva, nae kamanya Iṛuva. 8Ulya atawore ikundana eeshi Iṛuva ndi, fulya Iṛuva mmukunda. 9Ikunda lya Iṛuva lyammanyika kweru, ili anderuma Mwana wamwi ngitani isangeń, amu tiniingwa muu yye. 10Mikae ya ikunda yyo ii: Nta ni ise tankunda Iṛuva ndi, kake yye antikunda ise karuma Mwana wamwi ave kirasio kya mareko eru. 11Muṛe vakunde, ili Iṛuva antikunda ise kuri, kyatiwara neese tikundane ti veni na ti veni. 12Nta eefo nndu allolia Iṛuva ndi. Kake kwakooya tikundanaa ti veni na ti veni, Iṛuva akaa kweru na ikunda 'yamwi lisumanikaa kari keru.
13Kuro tamanya sheeli tikee nae, nae akee neese, fulya antiavia Mumuyo wamwi. 14Neese tallolia na miso eru na irambua sheeli Nde anderuma Mwana ave nkiṛa wa isanga. 15Ulya woose arambuaa sheeli Yesu mMwana wa Iṛuva, Ilyo Iṛuva akaa na ito, nae akaa na Iṛuva. 16Neese tammanya ikunda lya Iṛuva lya itikunda ise tikalikusura. Iṛuva mmukunda, na nndu akaa na ikunda ito akaa na Iṛuva na Iṛuva akaa nae.
17Ikunda lya dede lisumanikie kweru, kwakooya tikee iverea nkonu wa uumisio na ifura. Fulya tikee kimwi na Yesu akee ifo iṛuvewu neese tikee kunu isangeń. 18Ikunda liwore weṛei ndi, kake ikunda lisumani Ukee yumbuta weṛei, fulya weṛei luwore mavavio. U ya awore weṛei asumanikie ikundeń ndi. 19Ise toore ikunda, fulya ye abooka itikunda. 20Kwakooya nndu anumbua: Nkundie Iṛuva kasua mwanamae wamwi, ito ni nndu wa wongo. Fulya nndu atakundie mwanamae wamwi allolie, akundaa are Iṛuva atallolie? 21Na ivavaso li tanniingwa yye: Nndu akundie Iṛuva dede akunde na mwanamae wamwi.
Currently Selected:
Barua ya Yohane ya mbele 4: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
