Barua ya Yohane ya mbele 3
3
1Lleń ikunda lia Nde antikunda nalyo, neese tivaangwaa vana va Iṛuva, neese tikee vana vamwi. Nkyo kiimba isanga litiishi ise ndi, fulya liteeshi Iṛuva. 2Muṛe vakunde vakwa, alli tikee vana va Iṛuva, kake kilya kitiviaa numa kyallolika ndi. Kake kimwi tiishi: Ili Kristo alolikaa, tivakanaa nae, fulya tiloliaa mikae yamwi sheeli akee. 3Ulya woose awore ikusurana li nae ito akwilisaa nrima sheeli Yesu akee mwilise. 4Nndu woose atanaa fikasha awore usutu, itana fikasha ni usutu. 5Mwishi sheeli Yesu anshe yuta vandu ngyukasheń, nae awore ngyukasha kari kamwi ndi. 6Nndu woose alungani nae atanaa fikasha ndi. Ulya woose atanaa fikasha ammulolia ndi, nta ammumanya ndi. 7Vana vakwa, manya nndu atamulembe. Ulya atanaa kisumani awore usumani sheeli nae akee nsumani. 8Ulya atanaa mareko wwa Satana, fulya Satana atanaa mareko kuuka mbooko. Nkyo kiimba Mwana wa Iṛuva kalolika, amu afukye mashoṛa a Satana. 9Nndu woose amiiriwa ni Iṛuva atanaa mareko ndi, amu mbeu yamwi ikaa kari kamwi. Kiimba kya ikyo amakii itana kikasha ndi, fulya amiiriwa ni Iṛuva. 10Io llyo vakee ilolika valya vakee vana va Iṛuva na valya vakee vana va Satana: Ulya woose atatanaa fa usumani aukie kwa Iṛuva ndi, na ulya atakundie mwanamae mfo kuro da. 11Amu ii yyo nrumi mweemiitaa kuuka mbooko sheeli: Tikundane ti veni na ti veni, 12kaaṛa titave sha Kain ulya awarwa nSatana kawaa mwanawo. Nae awwaa kwa kiimba ki? Mfulya mitanie yamwi iikee mikasha, kake ya mwanawo iikee ya usumani.
13Mutatińwa vanavamae vakwa kwakooya isanga limusule. 14Ise tiishi sheeli tamuuka ufuń tikasamia muuń, fulya tikundie vanavamae. Ulya atawore ikunda akaa ufuń. 15Ulya woose asule mwanamae wamwi ni wwaa, neeni mwishi sheeli eefo wwaa awore muu utasiaa ukaa kari kamwi ndi. 16Yesu antirekia muu wamwi tikamanya yyo mikae ya ikunda lya dede. Neese kyatiwara ireka muu kiimba kya vanavamae veru. 17Kake kwakooya nndu awore usimba lwa isangeń ili kalolia mwanamae wamwi akee nkiva kamwumisia ndewu, akundie are Iṛuva? 18Vana vakwa, titakundane na firero nta na ulumi, kake tikundane na mitanie na udede. 19Io timanyaa sheeli ise tikee va dede, lingi kuro tiwolisaa mirima yeru mbele yamwi ye. 20Amu mirima yeru ikantivisilia kyasia Iṛuva ni nnini kita mirima yeru, nae eeshi foose. 21Muṛe vakunde, mirima yeru ikara itativisilia, ise tiselele na ifura kisanguń kya Iṛuva. 22Na kyoose tinterevaa tiwariaa kwamwi, fulya tikuwore na mavavaso amwi na itana kilya kinsenye. 23Na ivavaso lyamwi llyo ili: Tikusurane na irina lya Mwana wamwi Yesu Kristo na ikundana ise ti veni na ti veni, sheeli ye antivavasa. 24Na ulya awaraa mavavaso amwi akaa nae ye, nae akaa na ito. Na kuro timanyaa sheeli akee neese tikawa na Mumuyo ulya atiniingie ise.
Currently Selected:
Barua ya Yohane ya mbele 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
