Barua ya Vakorinto ya mbele 6
6
1A le nndu wa kwanu kwakooya awore kirero na uroe wamwi akee ikaṛia indiinga kwa valya vakee vayavaṛumu, nta yenda kwa valya vakee vasongori? 2Ana mwishi se sheeli valya vakee vasongori vaumisiaa isanga li? Na kwakooya isanga lyumisio̱o̱ń ni ini, a le mumakii ifukya se fikwena fikee finnya? 3Mwishi se sheeli tuumisiaa na vamalaika, kyasia ni mmwasi kita se mboni ta muuń uu? 4Kyasia kwakooya mwawa na andu akee ifukiywa mboni ta muuń uu, mwawarwaa vave vafukya iwo vatawore nsendo ifo siṛiń. 5Ifi nafirera mmuute sonu. A le nkuro sheeli kunu kwanu eefo nndu umwi awore uṛango amakii ifukya firero fa mwanamae wamwi ndi? 6Kake mukee ikuṛiinga nndu na mwanamae kwa iwo vatakusurie Iṛuva. 7Kyasia lyawa yaanguywa kwanu deń, fulya mukee iṛiingiana ini mu veni na mu veni. Amu ṅṅwana ituṛa se? Amu ṅṅwana isokwa masaa anu se? 8Kake andu a ifo ini mu veni mukee iraya uraa lwa vandu na ivasoka masaa awo, ee na akwaa ni a vanavamae vanu. 9Ana mwishi se sheeli varekwa sha iva vatakooyaa diṅu ya umangi lwa Iṛuva? Manya mutalembike: Vaaisi nta vakooyaa diṅu ya umangi lwa Iṛuva ndi ana varasia firasio ndi ana vaaika ndi ana valya vakee isuta uka ana uumi ndi ana varoko ndi 10ana manini ndi ani valanga ndi ana vanangwa ndi ana varuma ndi ana vasoka ndi. 11Na kinga kyanu mwikee vandu va mikae ii. Kake mwansangywa, lingi mwamiiliswa mukataalio̱ usumani kwa irina lya Nndumi Yesu Kristo na kwa Mumuyo wa Iṛuva weru.
12Mwanumbua: ”Findo foose kwakwa mfisha“. Ee, kake mfoose feelekiaa ndi. Mwanumbua: ”Findo foose kwakwa mfisha“. Ee, kake kilya kitashiviaa nkitinywa ndi na kikava ki. 13Mwanumbua: ”Shoonga yya ndewu na ndewu yya shoonga“. Ee, kake Iṛuva aretaa foose fili fivili ndewu na shoonga. Kake vvili wa nndu wwa waaisi ndi, kake wwa Nndumi, nae Nndumi mmuni vvili uu. 14Nae Iṛuva andeṛuta Nndumi atiṛutaa neese kwa finya yamwi. 15A le mwishi se sheeli mivili yanu mmeeṛo a Kristo? Naniingiań meeṛo va akee a Kristo na yaaṛua ave meeṛo a nka wa shia? Wode! 16Ana mwishi se sheeli ulya allungana na nka wa shia avva vvili umwi nae? Amu nkitisiṛe: ”Iwo vali vavili vavaa vvili umwi“. 17Kake ulya allungwa na Nndumi avva mumuyo umwi nae. 18Risheń waaisi! Ireko lyoose litanwaa ni nndu likee wooṛo ya vvili wamwi. Kake ulya akee mwaaisi akee yaṛua vvili wamwi ye muni uve wa mareko. 19Ana mwishi se sheeli mivili yanu yawa numba ya Mumuyo Nsongori akee kari kanu uu mwanniingio̱ ni Iṛuva? Ana nta ini mukee masaa anu mu veni ndi. 20Amu mwauṛwa na uuru uumu. Kyasia alli itikiseń Iṛuva ifo miviliń yanu, amu yya Iṛuva.
Currently Selected:
Barua ya Vakorinto ya mbele 6: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
