Barua ya Vakorinto ya mbele 5
5
1Koose ifo kwanu kikee iitiwa kukwani waaisi, nalo wwaaisi luteefo na akwaa nkwa vayavaṛumu: sheeli nndu akee iva na nka wa ndee. 2Neeni mukee ikushomba, nta ikunaria nta kinnya, amu autwa kari kanu ito antana kindo kyo ndi. 3Na akwaa ntakee kwanu na vvili wakwa, kake nrima wakwa ukee kwanu. Nań nammaa yumisia ito antana kikasha kya mikae yo sheeli niiyo. 4Na irina lya Nndumi Yesu Kristo tikusaandi nrima wakwa neeni andu emwi na finya ya Nndumi weru Yesu, 5tirambikie Satana nndu to, amu vvili uretwa, na nrima wamwi amu ukiṛwa ili nkonu ulya wa Nndumi Yesu ufikaa. 6Ukushombi lwanu ni usha ndi. Mwishi se sheeli kidooka kinnya kidookisaa imbumbu lyoose? 7Kyasia uteń-fo kidooka kilya kikuu, amu muve imbumbu iiya litawore kidooka. Amu na yaanri lyeru lya Pasaka lyammaa isikywa, yye Kristo. 8Kyasia tile kisuku kyeru kiteefo kidooka kilya kikuu ana kiteefo kidooka kya ureti na ukasha. Kake tile kisuku kyeru kiwore findo fitadookie, yyo mirima myeelwa na udede.
9Nndemutisiṛia ifo barueń ilya yakwa sheeli manya mutasangesange na vaaisi. 10Niikai narera mulakani deń na vaaisi va isanga li ndi ana na manini ndi ana na fisoki ndi na ana na varasia vaṛumu ndi. Kifo nkuro kyeemmuwaraa muuke isangeń. 11Kake mboni to sheeli tikai nndemutisiṛia sheeli mutasangesange na nndu akee ivaangwa mwanamae, nae mmwaaisi ana llembi ana murasia vaṛumu ana nruma ana nnangwa ana musoka. Nndu wa mikae ii mutakunde nta iliana nae. 12Amu nkiki kyashitiṅa nuumisie iwo vakee wooṛo? Ini mmashoṛa anu se yumisia iwo vakee va siṛi yanu? 13Kake iwo vakee wooṛo ni Iṛuva avaumisiaa. Somuteń nkasha ulya akee kari kanu.
Currently Selected:
Barua ya Vakorinto ya mbele 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
