Barua ya Vakorinto ya mbele 3
3
1Nań, vanavama, nta nndemakii irera neeni sha vandu vawore mikae ya Mumuyo ndi, kake nsha vandu vawore mikae ya vvili, lingi nsha vana vannya va ki-Kristo. 2Nndemuniinga maruva, nta nndemuniinga shoonga shuumu ndi, fulya kitaare mwimakii mwikiseree. Ee na akwaa ni alli mumakii ndi. 3Amu na akwaa ni alli mukee vandu va mikae ya vvili da. Amu kwakooya kwanu liifo iiria iriso na uṛiingi, a le mukee vandu va mikae ya vvili se mwiendaa kwa mikae ya kinndu? 4Hi umwi akee irera: niń nkee wa Paulo, na ungi kanumbua: niń nkee wa Apolo, a le ini mukee va kinndu se?
5A Apolo wwa ki? Na Paulo wwa ki? Vvaṛundi vandemulosha ikusura Nndumi, na nndu woose weru akee iṛunda sheeli andeavio̱ ni Nndumi. 6Niń nndeveekya Apolo kanisa, kake Iṛuva yye andemirisa. 7Kwa ikyo muveekya yye ndi ana nta munisa yye ndi, kake ni Iṛuva mumirisa. 8Kake muveekya na munisa vavakani, na nndu woose aniingwaa maṛe amwi asumani na mikwatarie yamwi ye muni. 9Amu ise tiṛundaa mashoṛa andu emwi na Iṛuva, ini mukee nrema ya Iṛuva, lingi mukee numba ya Iṛuva.
10Na kwa uwoo nndeavio̱ ni Iṛuva niń nnderema mfulo kwanu sha mwaṛia awore uṛango lwa itana numba na nndu ungi kashetania kwa ule yayo. Kake nndu woose alle kasa ataniaa kwa ule yayo. 11Eefo nndu amakii irwaa-fo mfulo wa mikae ingi ndi kitaare ni ulya wammaa irawa-fo, nto Kristo Yesu. 12Kake kwakooya nndu atania kindo kwa ule ya mfulo uu sha saabu ana fesa ana findo fa uuru ana miri ana marava ana maṛe: 13kyasia mashoṛa a nndu woose amanyikaa na baa. Nkonu ulya wa uumisio wavanisaa, fulya ukumanyisaa urie muro. Na muro ulya weleliaa ishoṛa lya nndu woose llya mikae ki. 14Ishoṛa lya nndu andelisongosia likankaa litareke muroń aniingwaa maṛe amwi. 15Ishoṛa lya nndu likanreka muroń atuṛaa maṛe amwi. Kake ye muni akiaa, na ikia lyamwi livaa sha lya nndu akia muroń.
16Mwishi se sheeli ini mukee numba ya Iṛuva na sheeli Mumuyo Nsongori akaa kari kanu? 17Kwakooya nndu akasheesaa numba ya Iṛuva, Iṛuva akasheesaa nndu to. Amu numba ya Iṛuva nshisongori, nayo ni ini. 18Manya nndu atakulembe ye muni! Kwakooya nndu akulolia sheeli awore uṛango kari kanu na kari ka isanga li, ave sha ntondo, amu llyo akooyaa uṛango. 19Amu uṛango lwa isanga li ni utondo mbele ya Iṛuva. Amu nkitisiṛe: ”Areyaa vaṛango ifo mitambweń yawo“. 20Na lingi: ”Nndumi eeshi makusaṛo a vaṛango sheeli ni a ruu“. 21Kwa ikyo manya nndu atakuṅinise na nndu ungi! 22Amu foose mfanu, kwakooya mPaulo ana Apolo ana Kefa ana isanga li ana muu ana ufu ana filya fiifo alli ana filya fivaa fishe, foose mfanu. 23Neeni mukee va Kristo, na Kristo wwa Iṛuva.
Currently Selected:
Barua ya Vakorinto ya mbele 3: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
