Barua ya Vakorinto ya mbele 14
14
1Soṛeń ikunda na ilanga nnu wavi lwa Mumuyo, kake mmwasi naamu mukooye irambua. 2Amu ulya akee irera na mirerie, nta arera na vandu ndi, kake arera na Iṛuva. Amu nta eefo eesile ndi, kake arera findo fa fiṛisi awarwa mMumuyo. 3Kake ulya akee irambua akee irera na vandu firero fa ivasongosia na ivalembalemba na ivakaarisa nrimiń. 4Ito areraa na mirerie akee ikusongosia imanya lyamwi muni, kake ulya akee ikwanisa akee isongosia siṛi. 5Nań llangie ini mu woose murere na mirerie miini, kake mmwasi veń varambua. Amu ulya akee irambua ni nnini kita ito areraa mirerie kitaare akee yaṛuya, amu siṛi ikooye isongosio̱. 6Kake alli, vanavama, nasha kwanu niireraa mirerie miini, mmwelekiaa ki ntaare narera neeni kwa shia ya irambuywa ana kwa shia ya uṛango ana kwa shia ya yongoya ana kwa shia ya ilosha? 7Na akwaa mfindo fitawore muu ili fikee isomuta ununga sha filimbi ana sha mbembe, kwakooya fitasomutaa ngyununga tiilashikie, kimanyikaa are sheeli ni ufina lungalu lukee iimbwa mfilimbi ana wembe? 8Na lingi kwakooya wembe unini lwarera na ununga lutamanyikie, ni i akusongosiaa na ikudeeṛia yenda fireń? 9Mfo kuro neeni kwakooya kitaare mwarera na ulumi kirero kikee baa, kirero kilya kyarerwa kimakii imanyikań are? Amu muvaa mukee ireria mburaatoń da. 10Mirerie mmiingi isangeń kake nta imwi itamanyikie. 11Kyasia kwakooya ntamanya misendie ya mirerie ilya vvaa sha ntondo kwa ito akee irera, na ito akee irera avaa sha ntondo kwakwa. 12Mfo kuro neeni, fulya mulangie nnu iva vandu vawore wavi lwa Mumuyo, ṛuyeń filya feni fisongosiaa siṛi. 13Kiimba kya ikyo ulya akee irera na mirerie atereve aniingwa finya ya yaṛuya vengi. 14Amu kwakooya natereva na mirerie, nrima watereva, kake uṛango lwakwa loore nunda ndi. 15Kyasia kyavaań are? Nterevaa na nrima, lingi ntereve na uṛango. Niimbaa nrimiń, lingi niimbe na uṛango. 16Amu kwatereva Iṛuva nrimiń kwimwaanaa kwakooya aiyo akee rembo-wo ateeshi yaana lyo lyafo, amakii are iirikia na inumbua Amen? Fulya ateeshi kilya kukee irera. 17Dede iwe kwarera kiterewo kinuru kya yaana Iṛuva, kake ito ungi ashiiswa nakyo ndi. 18Nkee yaana Iṛuva, fulya nkee irera mirerie miini kita ini mu woose. 19Kake ifo siṛiń mfurie irera firero sha firaanu fa uṛango lwakwa, amu mmakii ilosha vengi kita irera firero fiku fiingi na mirerie miini.
20Vanavamae vakwa, manya mutave vana ifo uṛangoń lwanu lwa imanya mboni, kake alya ukasha lukai aṛulwań vana vannya, kake kya ngyuṛango tanu ta imanya mboni muve vandu vanini. 21Ifo mavavasoń nkitisiṛe: ”Nreraa na vandu va na ngyulumi ta vandu vawore mirerie ingi na irera nawo na kana ka veeni, nta na akwaa nkuro vashiitaa ndi. Nkuro Nndumi arera“. 22Kyasia mirerie ii mmyorusie nta yya iwo vakusurie ndi, kake yya iwo vatakusurie. Kake irambua li nta nkwa kiimba kya iwo vatakusurie ndi, kake nkiimba kya iwo vakusurie. 23Kyasia kwakooya siṛi yoose isaangi andu emwi na woose varere na mirerie vakasha nafo vandu vateeshi ana vatakusurie, vanumbuaa se sheeli muworwa ni uketo? 24Kake kwakooya woose varambua na nndu kasha atakusurie ana ateeshi mboni, eekimbwaa wwoose na yumiso̱ wwoose. 25Fiṛisi fa ngoo yamwi fivaa baa. Na kuro awaa na si mbele ya Iṛuva eemwindiaa na irambua sheeli Iṛuva akee kari kanu liteefo inunua.
26Kyasia vanavama, kilya kyelekaa nkiki? Kyeeri kyoose mukee ikusandia andu emwi nndu woose awore ufina ana miloshie ana irambua ana mirerie miini ana myaṛuye. Findo foose fitanike kiimba kya isongosia siṛi. 27Kwakooya nndu arera na mirerie miini, varere vavili ana vararu da, ni mmwasi ndi, lingi ni ikamba kwa ikamba na umwi aaṛue. 28Kake kwakooya ateefo mwaṛua, ulya arera na mirerie miini asie do ifo siṛiń, arere ifo imanyiń lyamwi na Iṛuva. 29Na vaauya varere vavili ana vararu na vengi vaaranye vaavanise. 30Kake akee rembo kanrambuywa kirero, ulya wa mbooko asie do. 31Amu ini mu woose mumakii yongoya umwi umwi, amu woose vautie-wo ikulosha na iwiiṛio̱ muu. 32Na mirima ya vaauya iirikie vaauya. 33Amu Iṛuva ni Iṛuva wa mafulufulu ndi, kake wwa unambwe.
34Kive sheeli kikai siṛiń toose ta vasongori, sheeli vaka vasie do ifo makwanioń a siṛi, amu vawore muumu wa irera ndi, kake vave na windi, sheeli na mavavaso arerie. 35Nawo vakamfura ikulosha kindo, vauṛe womi vawo veni ifo kyeń kwawo. Amu ni nsutu vaka irera ikusandioń lya siṛi. 36Ana naare? Kirero kya Iṛuva kyauka kwanu? Ana kyamufikia ini mu veni? 37Nndu kankulolia sheeli mmwauya ana nndu wa Mumuyo, amanye sheeli ifi nkee imutisiṛia fikee fa ivavaso lya Nndumi. 38Kake kwakooya nndu atakiirikia, airikio̱o̱ ni Iṛuva ndi. 39Kiimba kya ikyo vanavama, kutomariseń nnu irambua ana manya mutaime irera na mirerie miini. 40Kake findo foose fitanike five na usha na ulalamboo.
Currently Selected:
Barua ya Vakorinto ya mbele 14: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
