Barua ya Vakorinto ya mbele 13
13
1Kwakooya narera na ngyulumi ta vandu ana ta vamalaika ntaare ikunda, nkee sha minya ikee yoona ana sha nkongo ukee irera. 2Na kwakooya niishi iringisia filya fivaa numa ana noore mboni ta fiṛisi foose ana noore iirikia lyoose lya kwa Iṛuva nserise nalyo ngyuro, ntawore ikunda nkee kindo ndi. 3Na kwakooya naaviaa vandu vakiva masaa akwa woose ana nniingiaa vvili wakwa ukoṛwa muro, ntawore ikunda kisheelekaa kindo ndi.
4Ikunda liwore usuro na uwoo. Ikunda liwore iiria iriso ndi. Liwore ikudedeṛa ana ukwishiki ndi. 5Lituṛaa sonu ndi. Liṛuyaa mbusha yayo ndi, lituṛukiaa ndi, litaalaa fikasha ndi, 6Likyesiaa waaisi ndi, likyesiaa filya fikee fa dede. 7Lisikiaa foose, livereaa na ikusura foose, lisisiriaa foose.
8Ikunda liiraa mmando nta kyeeri kimwi ndi. Yauya fisuku lisiaa na mirerie imandaa na imanya fiilashikaa. 9Amu filya tiishi mfa kyeenga da na yauya fisuku lyeru llya kyeenga da. 10Kake ifi kyansha kilya kiishule, kilya kikee kya kyeenga kimandaa. 11Ili niikee mwana munnya, nnderera sha mwana na iṛanguaṛangua sha mwana na ikusaṛa sha mwana. Kake kuuka nndeva nndu nnini, nnderea-wo mboni ta kiwani. 12Amu kyeeri kya alli tifilolie sha fwana ya kiloleń titamakii ifimanya kisha. Kake numa tifiloliaa kisangu kwa kisangu. Kyeeri ki kya alli imanya lyakwa llya kyeenga, kake numa mmanyaa foose sheeli nań nammanywa deń. 13Kyasia alli kilya kikaa ni ikusura na ba na ikunda, ifi fili firaru. Kake kari ka ifo kilya kikee kiroo ni ikunda.
Currently Selected:
Barua ya Vakorinto ya mbele 13: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
