Vaefeso 2
2
1Na inwe vene mwavage mwafwile kunguno ya mavusumule na mavukenaguzi ginwe, 2mugati nago inwe mwasimizile kale mu nsembo zya vanhu va liwelelo lyenili, na zya mwenuyo ali navo vukovozi kwigulya na nguzu zya mwigulya—roho ya mwenuyo alitumama 3mugati na vana vʼivengwe; mugati navo iswe vose vene twasimizage kale mugati na mavusengʼhya ga muvili gwiswe, aho twakimazaja kikowa cha mivili ziswe na cha malome giswe, na twavage ha vutundwa wiswe vana va kisila kitisi avo vangi. 4Alisi Mulungu, mwenekili lusungu luhanya kunguno ya kutogwa kwakwe mugati nako watutogagwa iswe, 5nulu twavage twafwile kunguno ya mavusumule, watuzuvukaja hamohene 6na Kristo—cha kisa inwe mwapizivilwe—na watuhembukaja na watwikazaja hamohene nawe mwigulya mugati na Kristo Yesu, 7kigele mu matungo ga kumbele avufumbule wingi wa vusoga wakwe kuwiswe mugati na Kristo Yesu. 8Kwisi cha kisa inwe mwapizivilwe mugati nʼisanizyo; na yeniyo yikafumile kuwinwe venekili, 9sumbwa kili kipanwa cha Mulungu; yikavile ku 10milimo, kwigela ngʼo umo ikumilizye mwenekili. Kwisi iswe tuli milimo yakwe, twatundilwe mugati na Kristo Yesu, kigele tuyite milimo misoga, hoyene Mulungu wayivezaja kufuma kale, kigele tuyilonde.
11Kunguno yeniyi mwizukile ati inwe kale mwavage vapagani ha mutindo gwa muvili, inwe hovene mwavage mulitanwa: “Avo vakatahirivilwe”, na venavo vatahirivilwe, vutahiriwa wenuvo vuliveziwa na kukono, 12ati mwitungo lyenilo mwavage vuduhu Kristo, mwalugalilagwe ku vuzenganwa wa Israeli, mwavage vageni ku mavuswanya gʼilagano, mwavage vuduhu isigizyo na vuduhu Mulungu mu liwelelo. 13Alisi lelo mugati na Kristo Yesu, inwe hovene mwavage kule, mwegelezivilwe bihi mugati na magazi gamwa Kristo. 14Kwisi homwenuyu ali kuhola kwiswe, homwene wagasangaja mavanza ago avili kuvi limo, na walubomolaga lugutu 15holwene lwatulekanaja, wawingaja wanisi na muvili gwakwe, howene vuli ngʼhama ya mikumo na malagilizyo gayo, kigele uyu mugati nawe mwenekili avatunde 16avo vavili kuvi munhu umo mupya, na syenisyo avezye kuhola, na kigele avaswanye avo vavili na Mulungu mugati na muvili kunguno ya musigiti, mugati nago wavuvulagaga wanisi. 17Nawe wizaga kutanizya kuhola kuwinwe, hovene mwavage kule, na ku venavo vavage bihi. 18Kwisi mugati nawe iswe vose vavili tuli nago muvita gwa kwingilila hamwa Vava mugati na Roho Syenisyo inwe mukavile hangi vageni na valovezi, 19sumbwa muli vazengi vichavo va vasondo, na muli va 20numba ya Mulungu, mwazengilwe kwigulya na musingi gwa vatume na vafumbuzi, na Kristo Yesu mwenekili 21ali iwe lya kituli, na mugati nawe kila muzengo gulilimbiwa na gulikula kuvi isengelo isondo mugati na 22Guku, mugati nawe inwe vene mulizengwa kuvi wikalo wa Mulungu mugati na Roho.
Currently Selected:
Vaefeso 2: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
