Vaefeso 3
3
1Kunguno yeniyi nene Paulo, mutungwa wamwa 2Kristo kunguno yinwe, inwe vapagani—ulu inwe mwigilwe kunguno ya vukasika lufungulo wa kisa cha Mulungu, 3howene napivagwa kunguno yinwe, ati yavagi mugati na kufumbulilwa napivagwa kulumanicha lwiviso lwenulo, kitisi namalaga kumutonela inwe na mihayo miguhi. 4Na mugati na kuyisoma yeniyi mulikovola kuyimanicha ngelo yane ya kulumanicha lwiviso 5lwamwa Kristo, holwene, mwitungo lya mavuvyalwa gangi, lukafumbulilwe ku vanhu, isyo lwafumbulilwe lelo na Roho ku vatume vakwe vasondo na vafumbuzi, 6ati: vapagani vali vasaliki vigisu na vali va muvili gumo, na vali na lusangi lumo hamohene niswe kwʼilagano mugati na Kristo. 7Kunguno ya Mhola ya Chelu navile mukumba wayo kunguno ya kipanwa cha kisa cha Mulungu, hochene napivagwa nawe ku nguzu zyakwe. 8Nene, homwene ndi mudomudo kukila vasondo vose, napivagwa kisa cheniki cha kuvatanizya vapagani Mhola ya Chelu ya vusavi wamwa Kristo howene vukakovolilwe kupimwa, 9na kuvalangisya vose vavumaniche vukasika wa lwiviso lwenulo holwene kufuma kale lwavagi luvisile mugati na Mulungu, homwene wagatundaga gose; 10kigele lelo mugati na ivilingano ngelo ya Mulungu, hoyene yili ya mitindo mingi, yifumbulwe ku va nguzu na va vukovozi higulya mwilunde, 11kunguno ya ndaka yakwe ya myaka de, hoyene wayimazaja mugati na Kristo Yesu, 12Guku wiswe, mugati nawe tuli na vugimu na tulikovola kumwegela na isigizyo mugati na kumusanizya. 13Kunguno yeniyi ndimulomba inwe, muleke kuzova kunguno ya maluduko gane, hogene ndiduka kunguno yinwe; kwisi genaya gali lukumo kuwinwe.
14Kunguno yeniyi ndimusukambila Vava, kwisi kufuma kuwakwe kila umo, 15homwene ali “vava” mwilunde ninga mu liwelelo, 16wapivagwa lina lyenili, kigele, ku vusavi wa lukumo lwakwe, mujamiliziwe na nguzu 17zya mu moyo, na Roho yakwe, kigele Kristo ikalemo 18mu myoyo yinwe mugati nʼisanizyo, na kigele inwe, hovene mwajamilizivilwe na mwakindikilwe ku musingi mugati na kutogwa, mukovole hamohene na vasondo 19kumanicha vugalihu na wima na vusihu na vulihu, na kukumanicha kutogwa kwamwa Kristo hokwene kulivukila wenge vose, kigele mokaziwe vuliko na vokale wa Mulungu.
20Alisi mwenuyo homwene alikovola kuvezya muno kukila genayo tulikovola kulomba na kumanicha ku 21nguzu yeniyi yilitumama muwiswe, mwenuyo apiwe lukumo mugati na ivilingano na mugati na Kristo Yesu kusika mavuvyalwa gose ga myaka na myaka de. Amen.
Currently Selected:
Vaefeso 3: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
