Vaefeso 1
1
1Paulo, Mutume wamwa Kristo Yesu hanuma na kikowa cha Mulungu, ku vasondo hovene valimo mu 2Efeso, hovene valimusanizya Kristo Yesu. Kisa kiveho hamohene ninwe na kuhola kufuma kumwa Mulungu, Vava wiswe, na Guku Yesu Kristo.
3Akuziwe Mulungu, Vava wa Guku wiswe Yesu Kristo, homwene watudosizye na maluvango gose ga roho kufuma mwilunde mugati na Kristo. 4Kwisi aho liwelelo lyavage litali kutundwa, watusogolile mugati nawe, kigele tuve vasondo na vuduhu kimelo hambele nawe mugati na kutogwa. 5Kufuma kale watusogolaga mugati na kutogwa kwakwe kuvi vana vakwe 6mugati na Yesu Kristo, ku lukumo lwa kisa chakwe holwene watupaga mugati na Mutoneke. 7Mugati nawe tuli navo vukomolwa ku magazi gakwe, vutondolwa wa mavusumule giswe kunguno ya wingi wa 8kisa chakwe, hochene wapanaga kuwiswe kingi muno mugati na wenge na ngelo zyose. 9Na watufumbulilaga lwiviso lwa kikowa chakwe hanuma na kutogwa 10kwakwe, isyo yamutogezaja ati, mwitungo ilo lyakindikilwe lyafikaga, gose gasangiwe mugati na Kristo, genayo gali mwilunde na ago gali ku liwelelo. Homwene mugati nawe twapivagwa isalo, 11isyo twalomelagwa kufuma kale na mwenuyo homwene aligavezya gose hanuma na ndaka ya kikowa chakwe, 12kigele iswe, hovene twatongelile kumwisigizya Kristo, tulukumuche lukumo lwakwe. 13Mugati nawe inwe vene, aho mwagwigagwa muhayo gwa hanayene, Mhola ya Chelu ya vupiziwa winwe, mwasanizaja mugati nawe, na mwatulililwe lumanyilo lwa Roho Nsondo, homwene walaganivilwe nawe; 14homwene ali mufungi wa isalo liswe ha vukomolwa wa vanhu vakwe, ku vukumuku wa lukumo lwakwe.
15Kunguno yeniyi nene mwene, vukumbu nalinigwa 16kunguno ya isanizyo linwe hamwa Guku Yesu, na kunguno ya kutogwa kwinwe ku vasondo vose, nkoyile kumulumbila Mulungu kunguno yinwe ulu ndimwizukila inwe mu kulomba kwane; 17kigele Mulungu wa Guku wiswe Yesu Kristo, Vava wa lukumo, amupe inwe roho ya ngelo na ya vufumbuzi, kigele mumumaniche mwenuyo; 18na minso ginwe ga moyo gele, kigele mulimaniche isigizyo lya lwito lwakwe, na wingi 19wa lukumo lwa isalo lyakwe, mugati na vasondo, na vuhanya wa nguzu zyakwe hozyene alivezya hawiswe hovene tulisanizya, nguzu hozyene zilitumama mugati 20na vuhanya wa vukovozi, hozyene wazitumilaga hamwa Kristo, aho wamuhembukaja mwenuyo ku lufu, 21na wamwikazaja ha mulila gwakwe mwilunde, kwigulya na vutemi vose na vukovozi na nguzu na vuguku na mina gose hogene galikaniwa, ngʼo mu liwelelelo lya 22hagisi duhu, sumbwa savasava mu lyenilo lilakiza, na wagatulaga gose ha magulu gakwe, na wamukindikaga mwenuyo kuvi mutwe gwa gose kunguno yʼivilingano, 23holyene lili muvili gwakwe, lyokazivilwe nawe homwene alifyokazya fitundwa fyose.
Currently Selected:
Vaefeso 1: Nym51
Highlight
Copy
Compare
Share
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
