TITO 2
2
Ufundo lwa dede
1Kyaindi yewe rera findo efyo fikwaani na ufundo elo lutiri muu, 2kyeyaamba vamiku vave na mwiiyanu, vakae na wiindi, na waarya vantumaa kikusiryony na ukundiny neeva na usisiryo. 3Kiwo na vamiku va kyika vakae na mikaaye myeeele; valave vevikya vengyi ureeree, valave veena nnu wari, lyo valoshe vengyi findo fya usumanu; 4naambo varanguse vaka vakoo naambo vakunde womi vawo na vana vawo nisha. 5Vave na mwiiyanu, na waa lwa nrima, varundye kyeny kwawo, vave vasaari, vendye womi vawo; naambo Irero lya Iruva lyilawoni yaararwa.
6Ni indo na vana vakoo va kyuumi kuvaikyimbe vave na mwiiyanu; 7yewe kumuni kuve kyaaso kyisha kyeelolwa kwikee na mweendo usennyi findony fyafo fyoose, neefo ufundony lwafo koore woorotu na usaari. 8Kuvetira na marero atiri muu nalavaa yuutyo uvingo, naambo yewo velema efyo vakooye isuka kyeeri vakooyaa valatiri kikasha kyeerera uwe yeeru.
9Yewo vakee mashinga vaindye vanndumi vawo, vavasenyi findony fyoose; valatire ng'anyi. 10Valave veevi; lyo vaore usha lwawo woose, naambo vashope ufundo lwa Mwikira we Iruva weeru findony fyoose. 11Mashika isarya lya Iruva yelyo lyikiraa vandu woose lyammaa yoorwa paa; 12nalyo mmbo lyalulosha ilema uravi na lango ta kiulana; naambo lukooye ikaa na mwiiyanu, usumanu, usongovisi, yaa ulaniny yelu lwa inu, 13lwiivereyaa na nsia ekyo kyeende mbora na yoorwa itumbe lya Kristo Yesu, Iruva mmbwe akee Mwiikira weeru; 14yeto alekuuta we muni kimaruma kyeru, naambo naluute efo maraviny moose, nelyise vandu yewo va ushilyi lwakwe muni, vatiri umale lweetana mashora mesha.
15Ongoya vandu mbony yeti, ikimba na isakyira nookaari loose, nta kulave nndu akumina.
Currently Selected:
TITO 2: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
