KYIIMBO KYA FIIMBO 7
7
Nndu nsoro
1Ngyayo tafo yefo fyaaruny mmbo tasennya kilanya!
Yewe kimwana kya kyika kya kimangyi.
Finama fyafo filenderi fyikuringitye sha ngo ya wuuru uniini,
Mashora mesha marunde nnyimfuru nsaari.
2Kyipoposho kyafo nsha nakori ilaturaa mfinyu tara.
Ndeu yafo nsha nkusha wa nganu
Ukee nringitye fivaro fya liilyi mbai.
3Mavee afo nsha maasa a sunu,
Mmbo akee sha saria ivii.
4Singo yafo nsha uroro lwa mbembe ta shofu,
Miso afo nsha maruva muriny mbwa Heshboni,
Kufii na ngiri ya Bet-rabi.
Mmbwa yafo nsha uroro lwa Lebanoni,
Ulollye taari ya muri wa Damasko.
5Nrwe wafo mmbo ukee ikwiitikisa sha ifumbu lya Karmeli
Fii tafo ta ukoka mmbo tikee ivarama nnu,
Usha lwafo mmbo lweedima ilyisa ukiva naakwa ni mangyi.
6Lola shaasa kukee nsha na wa ilanga,
Yewe nkunde wakwa kusennyi-dwa.
7Yuumba lyafo mmbo lyasennya sha nri wa tende,
Mavee afo akaoroka sha mikelesha ya vayo.
8Shaamba mmbo nseraa ntende ndeaya mikelesha ya vayo.
Yeny mmbo shilollye mavee afo sha misabibu miviiri,
Elyi kweeng'a mmbo kikeesha mfwaamu nsha sha inanasi;
9Na kana kafo mmbo kyikee sha mfinyu urolaa.
Nndu nka
Naasa mfinyu usurumwa kutani nkunde wakwa,
Aukooya naune, wiire firomuny fyakwe na mayoony akwe.
10Yeny mbwakwe nkunde wakwa,
Na lango yakwe ni yeny.
11Osho yewe nkunde wakwa, lweende mareminy,
N-nde kyeeru lundeevera efo kyaarony.
12Mmbo lukwiipoo nraasi lweende mareminy a misabibu,
Lundelola kwakooya yampara maa,
Na kwakooya fivaro fya misabibu fyammbaa,
Na efo mfo shindekuniinngyaa ikunda lyakwa.
13Mfaamu nsha wa matunguusha mmbo ukwaani wo ando,
Kufii na mapoo a mmba yeeru mmbo kwiiyo ndunda shisha ta wo ngata,
Nshilekudesya yewe nkunde wakwa.
Currently Selected:
KYIIMBO KYA FIIMBO 7: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
