KYIIMBO KYA FIIMBO 6
6
Vaka
1Yewe nka kukee nsha kilanya,
A nkwi eenda nafo nkunde yeto wafo?
Mmbo eera na kwi nkunde yeto vafo
Naambo lukutarame inruuya amwi neewe?
Nndu nka
2Nkunde wakwa mmbo eenda nndeny wakwe,
Ando fimu fimyaa nisha.
We mmbo eesaa moonri akwe,
Na isongosya fivaro fya liilyi.
3Yeny mmbwakwe nkunde wakwa, nawe mmbwakwa,
Mmbo eesaa moonri akwe,
Ando atiri fivaro fya liilyi
Kyiimbo kya Karaanu
Nndu nsoro
4Nkunde vakwa, yewe mmbo kukee nsha sha Tirsa,
Nkusenyi sha Yerusalemu,
Nkweeresye sha nseemu urye pendera.
5A nkye shiindutya miso tupu kushilole;
Mmbo shikee isawukwa,
Fii tafo nsha ironda lya mburu,
tishoolokaa ifumbuu lya Gileadi.
6Mayoo afo nsha ironda lya moonri a kyika
Akee yooloka ammaa isangywa.
Wo lyimwi mmbo lyifeiye maasa,
Na nkwiifo ngurana ifiyye-fo.
7Ngushu tafo mmbo tikee sha fyenga fivii fya ndunda shilenderi
Numa ya shela yafo.
8Mmbo veefo vakamangyi makumi arindaru,
vaka-va-shia makumi nyanya,
Na vana va kyika valatiri yeekyena!
9Mbeta yakwa, nkunde wakwa nsha, ni umwi-nsi
Mwana nkunde kwa maaye wakwe,
We mmbo akee ngitany ya maaye.
Vana va kyika mmbo vallolaa vakambaanga; nngoma,
Vaka-mangyi na vaka-va-shia mmbo varumishaa, veeshiimbaa usha lwakwe.
10A mmbi yeto alolaa sha ngama nraasi?
Nsha sha mwiiri akee ivaa sha mwi,
Na akeeyeerese sha nseemu utiri pendera.
11Mmbo shaanga nnda wa milosi
Shishelola maa yefo imungony,
Shilole kwakooya misabibu yambaa,
Na miri ya ndunda tilya shirenderi tammbaa fivaro.
12Pari-pari nkunde wakwa,
Kashivika mutikeny wa nndu nsuri kilanya.
13Wuya, wuya yewe mwana wa kyika Mshulami.
Wuya, wuya naambo lukulole.
Nndu nsoro
N-naambokyi mwakunda ishilola Nshulami
Sheelyi mulolaa mbasa ya miseemu ivii?
Currently Selected:
KYIIMBO KYA FIIMBO 6: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
