SABURI 91
91
Iruva Nringi
1Yeto akee kwasi ya uringyi lwa Yeu Akee ando A uwe
Mmbo akaa kirisheny kya Muni finya.
2Mmbo shishaambaa, Nndumi Iruva mmbwe kirishony kyakwa na turuve yakwa,
Iruva wakwa shimmbikye nsia.
3Mashika we akuuta nreiyony
Akukyiraa na ndwari shikasha.
4Mmbo akusikyaa na maaru akwe.
Nkuwonisa kirishony kwasi ya maaru akwe.
Usaari lwakwe mmbo lukukyiraa na ikuringa.
5Nkushiirya werei lwa kio-fo,
nta ngapanu ya nsanyiny-fo.
6Nta ndwari ta kio-fo,
Nta ngapwa ta nsanyiny-fo.
7Naakwa vandu kyiku vawa uwe yafo,
Ee-da fiku ikumi vawe taari ya woko lwafo usha,
yefyo fikuserikyaa-fo.
8Lyo mmbo miso afo alollyaa;
Kulollye weesi lwa vandu valatiri usumanu.
9Mashika Yewe Nndumi Iruva,
nyewe kirishyony kyakwa,
Mmbo kulealwa Yeu Akee ando A uwe ave kyirembo kyafo.
10Makasha nnyakukooya yewe-fo;
Nta ndwari shikasha nnyiserikyaa yeema lyafo-fo.
11Mashika mmbo ashevavasya vasu vakwe
Vakuringe shiyeny tafo shoose
12Vakwiipoo mayiny awo
Naambo kulasheikapa urende iweny.
13Mmbo kavavaraa miiso na shoka;
Mwana wa miiso na shoka shiniini nnu kavavare na marende!
14Mashika Iruva ankarya ikukunda,
Kaamba, “Mmbo shinkiraa, shimmbike ando a uwe,
Mashika ammanya Irina lyakwa.
15Mmbo avaanga, neny shimwiirikye;
Nkaa ando amwi nawe ngatareny.
Mmbo shinkiraa na inganisa.
16Mmbo shimmbutisaa mikonu miingyi
Shinniinge ukyiro lwakwa.”
Currently Selected:
SABURI 91: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
