SABURI 85
85
Kyiterevo kya Yeende Ufoo Vanduny
1Nndumi Iruva kwalyillya uruka lwafo!
Kwedimisya Yakobo kedima ivikyo mbora lyingyi.
2Kwansarya vandu vafo irekwa lyao,
Kwavauta ngyulyamari tawo toose.
3Kwashillya unyafi lwafo loose.
Kwara unyaasi lwafo.
4Iruva kukee ukiro lweru luviire kwafo.
Uta-u iswa lyafo kweru.
5A mmbo kulusswa llung'anu?
A mmbo unyafi lwafo luvaa kwa marika moose?
6A mmbo kulaluniinga-se muu muiya,
Naambo vandu vafo vakooye ifura kimaruma kyafo?
7Woi Nndumi Iruva, loore ilyillya lyafo,
Luniinge ukiro lwafo.
8Iruva, Nndumi iruva, a shaaranyi shaasa ashaamba,
Mashika mmbo aderya vandu vakwe unapwe,
Kwakooya valawuyaa-se lyingyi utondo lwawo.
9Ni usumanu ukiro lwakwe lukee afii na yewo vemwindya;
Na nng'anu wakwe usindaa urukeny lweru.
10Ikyiiyo lyakwe na usaari fikwanannyaa.
Waarya lushekulumbaa unapwe!
11Usaari lushemyaa urukeny,
Waarya lusholokaa uka iruveu.
12Ee-da Nndumi Iruva, ashekwekkyaa kuwoni iviiri,
Na uruka lweru luvike fimu fiingyi.
13Usaari lushekaa mbe yakwe,
Na idesye shia takwe.
Currently Selected:
SABURI 85: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
