SABURI 84
84
Ilanga Mmba ya Iruva
1Woi Nndumi Iruva, Iruva wa matorito,
Apaa mmba yafo isennyi-dwa.
2Nrima wakwa ulangye deny poo ya Nndumi Iruva,
Ee, na itirya mmasha.
Ngoo yakwa na mwiili wakwa fyalookya Iruva muni muu.
3Ngyuruu tammbona mmba tawo,
Na kishakoore kyikaniingwa kifuri kya yaara maore a vayo,
Yoo ng'u ando a kitara kyafo kyeerasya,
Woi Nndumi Iruva wa matorito,
Mangyi yakwa na Iruva wakwa.
4Ngoma yewo vasinda efo mmba-fo
Mmbo valung'ani ikwitikisa.
5Ngoma yewo finya tawo tauka kwafo,
Na shia tendaa Sioni mmbo tikee ngoony yakwe.
6Vakaira imungony lya misoru,
Vakalyaallwa usoka lwa mura,
Ee-da mmbwa ya mateeri yaishura mbora!
7Vakaengera iva na finya shiingyi,
Wo umwi kalollyo efo Sioni mbee ya usangu lwa Iruva.
8Nndumi Iruva, Iruva wa matorito arannya kiterewo kyakwa
Woi Iruva wa Yakobo kwaaranyi-dwa
9Woi Iruva ngao yeeru lwinduye miso!
Lola kisangu kya Mesiya wafo.
10Ni kya usumanu shalollya ni kisha shasinda poo
Kwafo nkonu umwi-da!
Ngota nsindaa kundo kungyi ando a mikonu kyiku
Shekundye iva mwirwa mwoongo wa mmba ya Iruva wakwa,
Ngota ikaa efo mmba ta veemina.
11Mashika Nndumi Iruva, Iruva mmbwe mwi na ngao yeeru
Nndumi Iruva ashekuniingaa isaryo na nng'anu
Na yewo woose vashesindaa na usaari,
Nnyasheveemaa kindo kisha-fo.
12Woi Nndumi Iruva, Iruva wa matorito,
Ngoma nndu akusirye neewe!
Currently Selected:
SABURI 84: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
