SABURI 83
83
Kiterewo Kyeevinga Vakiduva va Israeli
1Woi Iruva kulamalallye-fo,
Woi Iruva kulakae sau-fo, nta iimuya-fo!
2Lola-te, vakiduva vafo mmbo vakee iruya mwaandu?
Ewo wakusuye mmbo vakee ipoo kya kinyala?
3Mmbo vakee ikudeesya kwa ntambo ivavisa vandu vafo,
Mmbo vakee irera ukasha uwe ya yewa kuvaringaa.
4Vakaamba, “Oshony, lurumate isanga elyo,
Naambo irina lya Israeli lyilashekumbuwa lyingyi.”
5Ee, mmbo vakee ivikyana kwa nrima umwi.
Mmbo vakee ilya mboo uwe yafo
6Vandu va Edomu na Vaishmaeli,
Vamoabu na vandu va Hagari,
7vandu va Gebali, Amoni na Amaleki
Vandu va Filistia na yewo vakaa Tiro.
8Naakwa ni Ashuru mmbo valeakana nawo,
Mmbo valekulunga na vana va Loti.
9Vatanyi kilya kuletannya vandu va kulya Midiani
Shaasa kuletannya Siseva na Yabini kulya usokeny luvaangwa Kishoni,
10vandu kulevarumata kulya Edori,
Vakava mbulula uwe ya uruka.
11Kutannyi vanini vawo shaasa kuletannya Orebu na Seebu.
Na vashilyi vawo woose shaasa kuletanya Seba na Salmuna,
12Ewo valeamba,
“Mmbo lushiipoo uruka lukee masaa a Iruva!”
13Woi Iruva wakwa, waalwe kilulyi,
Vave sha muulu uvivitwaa ni uraato.
14Sha elyi muro warumata nturi
Na ngyulumi ta muro tikee yongorisa mafumbu,
15kuvarishise kwa uraato lwafo uniini lwa finya,
Kuvaeese na kitita si kyafo!
16Fisangu fyawo fisikywa ni usutu,
Naambo vakooye ikuruuya yewe Nndumi Iruva.
17Valollye usutu na ifwaiya kyeeri kyoose
Usutu lwawo luvarumate.
18Vamanyi shelyi yewe kumuni mmbwe Nndumi Iruva
Ni Yewe Iruva nniini uwe ya ulana loose.
Currently Selected:
SABURI 83: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
