SABURI 80
80
Kiterewo Kyeeri Kyeekapannya Uruka
1Loota kurwi kyafo ewe mwiisa Israeli,
kuteteraa vana va Yosefu sha mooonri,
Yewe kukee uwe ya fyuumbe efyo fiwangwaa, makerubi lumikye,
2koore kumuni kwa vandu va Efraimu, Benyaminy na Manase.
Loore finya tafo, osho kulukire
3Woi Iruva kuluviire
Lumikye na usangu lwafo, neese lushekyaa!
4Woi Nndumi Iruva wa matorito,
Kumande indii kwiswaa fiterewo fya vandu vafo?
5Mmbo kwa lwa fyoova five shoonga yeeru
Kwallurita misoru miingyi.
6Mmbo kwalwal teve ya mwaandu kwa vaamurasa veru.
Vakiduva veru mmbo vakee ilutatala.
7Woi Iruva wa matorito, kuluviire,
Lumikye na usangu lwafo, neese lushekyaa.
8Mmbo kuleende msabibu wuuka Misri;
Koombuta-fo vandu va masanga engyi, kwavaakya-u msabibu wafo.
9Kwauremya ukooye ing'ana,
Nato ukauta miraari ikakwaana urukeny koose.
10Mmbo kulesikya mafumbu na kirishe kya vayo;
Na marambaa avayo akava sha miri myaasha
Miniini ivangwaa mieresi
11Maramba a vayo akalambara akafika yeeveny,
Na maa ta vayo tikakwaana fika mbai ya mura wa Efrati.
12Nkiki kusemmbwa isimamba elyo lleuringitye?
Ulalu wo umwi akee iira-u mmbo akee idova ndunda ta msabibu.
13Nguve ta ngoroshyony mmbo tikee ulyamara.
Kiwo na mafisi a ngoroshyony mmbo akee iurafuna.
14Woi Iruva wa matorito, lwiinndukye,
Lola kwikee efo iruveu, kulle,
Kusheivavara nsabibu eto.
15Kuringe moorwa kuleuvaaya kwa woko lwafo,
Maa eyo kuleikarisa Yewe kumuni.
16Vakiduva veru mmbo valeukora na muro na yuumanya si.
Valle kwa unyaasi, varumake.
17Kyira na iringa nndu eto kulensauwa,
eto kulensauwa kwa kimaruma kyafo.
18Neese llushekuraa lyingyi-fo, nta ivuya numa-fo.
Luviirye muu, neese lushekwaafumaa.
19Woi Nndumi Iruva, Iruva wa matorito luviire kwafo mmbe,
Lumikye na usangu lwafo, neese lushekyaa.
Currently Selected:
SABURI 80: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
