SABURI 79
79
Kiterewo Kyeetuwa Uruka
1Woi Iruva vandu valakwiishi vantefura uruka lwafo,
Wanrindisa mmba yafo sheele,
na yaallwa muri wa Yerusalemu uve sama.
2Mmbo valera minying'a ya varundi vafo illiwa ni ndeye,
Minyinga ya vandu vafo ive shoonga ya mafisi a ngoroshyony.
3Samu yaawo mmbo ileiritwa sha mura efo muri wa Yerusalemu;
Mfo vandu vakee vaalale valatiri vevarika.
4Llammba kindo kya sony kwa masanga a nnyanuny.
Vamurasa veru mmbo vakee iluseka na ilutatala.
5Woi Nndumi Iruva, mmbo kuswaa llung'anu?
Unyaasi na kififi kyafo mmbo ing'anaa indo kufike indii?
6Pusuya vandu valakwiishi unyaasi lwafo
Ee, ushilyi loose lulashiindya irina lyafo.
7Mashika mmbo valemira vandu vafo wa mmba ya Yakobo,
Mmbo valemamita deny ando akwe kwekaa.
8Kulesheilukapa kimaruma kya marekwa a vamiku veru-fo!
Lusheywa ni isarya lyafo uviny-dwa,
Mashika mmbo lukee valammyi kyuumu!
9Woi Iruva, Nkira weru llweekye!
Kwa wiindi lwa irina lyafo,
Kulukire na ilusarya ngyulyamari teru kwi irina lyafo.
10Nkyiki vandu va masanga valuvye,
“Nkwi Iruva wany akai?”
Lweekye lulollye kwivataiya vandu ewo,
valepuswa samu ya vandu vafo,
11Kyiiyo kya vafingwa ewo kyikufikye.
Finya yafo ikire yewo vakee vautye uvingo lwa iwaawa.
12Woi Nndumi Iruva, vataiye vakiduva yewo mfungare ka mfungare,
Firumwa valelwaarara vandu ewo va masanga va nnyanuny.
13Neese vandu vafo, mmbo lukee moonri a ironda lyafo,
Lushekwaana llung'anu na ikwaarafuma fyeeri fyoose.
Currently Selected:
SABURI 79: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
