SABURI 8
8
Itumbe lya lruva na mikaaye ya vandu
1Woi Nndumi Iruva, Irina lyafo, Nndumi weeru;
Shaasa Irina lyafo lyikee yeele urukeny koose!
Na usuri lwafo lukafika iruveeu!
2Kwarumishwa ni vana vadu naakwa ni yewo vashoongaa,
kwasalala kyuumi mbee ya vakiduva vafo,
kweerikisa vakiduva woose.
3Shalola nginii-u, mashora a maako afo,
mwiiri na nyinyiri ni yewe kufitannyi.
4A nndu nkyoki kukusare kyakwe?
Na mwana wa nndu nkyokyi nta kunsare?
5Naakwa ni indo,
kwamwaallwa mwaangu kinywa ngota Iruva
na imbika utore na wiindi.
6Kwanniinga ushilyi uwe ya mashora afo moose,
kwanrambikya findo fyoose sumbai akwe.
7Ando amwi moonri,
ngumbe na mafisi a ngoroshony,
8ndeye, makunga a mureny na fyuumbe fyoose,
na fyoose fikee efo yeeveny.
9Woi Nndumi Iruva, Nndumi weeru;
Shaasa Irina lyafo lyikee yeele urukeny koose.
Currently Selected:
SABURI 8: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
