SABURI 7
7
Kiterewo kya usumanu
1Woi Nndumi Iruva, Iruva wakwa,
ni yewe shikekurishya,
Kushikire neshuuta ewo vakeshiwonnya.
2Kulaore vansha na ishiratwa-ratwa muu wakwa sha miiso,
na indesheera kwaasha shilalollyaa wa ishikira.
3Woi Nndumi Iruva, Iruva wakwa,
4Kwakooya shiletana ukasha kya mbony eti;
ifingya mbuya-akwa kindo kya wongo,
ao yaafinya nkiduva wakwa kindo,
kuleefo kimaruma,
5naasa, nkiduva eto wakwa;
ashilatye numa kutani ashitira;
ashivavare nashimamite narike muu vakwa uteryi!
6Kwiipoo na ngoo, woi Nndumi Iruva;
kusiike unyafi lwa vakiduva vakwa,
woi Iruva vakwa salala,
yewe kyeeri kyoose mmbo kukundye
mirumbuye ya usumanu.
7Vandu woose vakusangirye amwi vakuringitye yewe,
kwikee kiriny kyafo kuvashillye.
8Woi Nndumi Iruva,
kwaleta vandu va wo ngata,
Woi Nndumi rummbwa kisha kyakwa,
shaasa kishisumanyi usumanu;
9Woi Iruva nsumanu, weesi lwa varavi lumande;
kaarisa vandu vasumanu;
Yewe kwesaa makusaro na ngoo ta vandu,
nninge finya nndu nsaari,
yewe kwiishi mitambo ya kirika na makusaro makasha a vandu.
10Iruva mmbwe ngao yakwa ya ishiringa;
Yeu akeemwikira vavaramu efo ngoony
Kakyira valya vamwiindyaa.
11Iruva ni mwileta wa usumanu,
Ee Iruva asuuye mitambo.
12Kwakooya nndu nalakuryaa;
Iruva amwiipoiyoo usu;
alemaa ura lwakwe we muni.
13Nawe kasongosya fisha fyeerumata,
kanwa mife ikava sha muro.
14Lola; nndu mweesi mmbo akusara fya ulyamari;
na makusaro awo akaishwa fya wongo.
15Kasuma uroo we muni na ilukkwa;
kawo efo uroony alesuma we muni.
16Ukasha avikya vandu vengyi
lukambuyya we muni.
17Mmbo nshaana Nndumi Iruva
kya usumanu lwakwe,
usha lwakwe,
nshirumishaa we Nndumi Iruva, Torya.
Currently Selected:
SABURI 7: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
