SABURI 6
6
Kiterewo kyeeri kya ukyiva
1Woi Nndumi Iruva,
Kulashisakire kwa unyafi lwafo-fo,
Kulashikape kwa unyaasi lwafo-fo.
2Shifwaaya woi Nndumi Iruva, elyi shikee nnana,
Shikaarisa woi Nndumi Iruva,
mafua akwa akooye ivanga.
3Shiifo shisavaa nnu muuny mmbwakwa,
a Nndumi Iruva, mmbo kukyeeywa-fo kufike indii?
4Shiindukya woi Nndumi Iruva,
kushikire muu wakwa,
kyeendwa ni isarya lyafo.
5Efo kwafu nkwiifo akukumbuye-fo,
a mmbi akurumishaa efo kwa varumu?
6Shammba nnana kimaruma kya ilwaa lyakwa,
misoru ikaishwa efo kitareny elyi kio,
Kitara kikashoshoka misoru a kiiyo kyakwa.
7Iriso lyakwa lyallyamarika kyimaruma kya ukiva lwakwa lyikafumba na ilemwa ilollya,
Kimaruma kya kiiyo, kyeendwa mmbakiduva vakwa.
8Eni veetana uravi, ukeny efo mbee yakwa,
Mashika Nndumi Iruva, amiita unyanga lwa kiiyo kyakwa
9Nndumi Iruva ammiita kyeerero kyakwa,
Nndumi Iruva asharannyaa kiterewo kyakwa.
10Vakiduva vakwa woose vashesukaa neetafukwa kyuumu;
vashesukaa neetafukwa, vavuyaa numa veesuukye.
Currently Selected:
SABURI 6: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
